12 fevral tarixində ADMİU-da “KATALİZATOR ArtHub”un “Böyük Britaniyanın çağdaş dramaturgiyası: TANIMA” layihəsi başlayıb. Layihə çərçivəsində baş tutan birinci görüşdə London Nitq və Dram Sənəti Kral Məktəbinin Dramaturgiya kafedrasının müəllimi Sara Qroçalanın “Böyük Britaniyada çağdaş teatr / dramaturgiya” mövzusunda seminarı, Emin Əliyevin moderatorluğu ilə “Böyük Britaniya dramaturgiyasında sosial mövzu dominant konsept kimi” adlı müzakirəsi, eləcə də Nik Peynin “Bürclər” əsərindən fraqmentin oxunuşu olub.
16 fevral tarixində “KATALİZATOR ArtHub”un “Böyük Britaniyanın çağdaş dramaturgiyası: TANIMA” layihəsinin ikinci görüşü olacaq. Cümə günü baş tutacaq görüş iki hissədən ibarətdir.
Saat 14.00-da ADMİU-nun Elmi Şura otağında tədbirin birinci hissəsi baş tutacaq. Kral İncəsənət Cəmiyyətinin üzvü, jurnalist, pedaqoq, teatr tənqidçisi Aleks Syertsin rəhbərliyi ilə “1990-cı illərdə Böyük Britaniyada dramaturgiya, teatr sənəti, pyes yaradıcılığı” mövzusunda seminarını dinləyə biləcəklər.
Saat 15.00-da isə ADMİU-nun Kiçik səhnəsində tədbirin ikinci hissəsi baş tutacaq. Teatrşünaslıq kafedrasının müəllimi Emin Əliyevin moderatorluğu ilə baş tutacaq tədbir “Postmüharibə dövrü Britaniya dramaturgiyasında müharibə mövzusu” adlanır. Bu hissədə iştirakçılar ötən əsrin 1990-cı illər Böyük Britaniya dramaturgiyası haqqında onları maraqlandıran bir sıra suallara cavab tapa biləcək, eləcə də Əməkdar artist, dosent Yaqut Paşazadənin tələbə-aktyorlarının ifasında Kəril Çörçillin “Uzağa” pyesinin oxunuşu olacaq. Oxunuşdan sonra müzakirə davam edəcək.
“Katalizator ArtHub”-ın təşkilatçılığı, Britaniya Şurasının təşkilati, Teatro.az sənət portalının informasiya dəstəyi, Azərbaycan Dövlət Mədəniyyət və İncəsənət Universiteti, YUĞ Dövlət Teatrının, CHARACTERS Müasir Dramaturgiya Festivalının və Ritual Mobil teatr laboratoriyasının tərəfdaşlığı ilə keçirilən layihənin əsas məqsədi Azərbaycan tamaşaçısında müasir Böyük Britaniya dramaturgiyası haqqında təsəvvür yaratmaqdan ibarətdir. Layihənin gedişatı haqqında ətraflı məlumat əldə etmək üçün, rəsmi instaqram səhifəsini (@katalizatorarthub) və Teatro.az sənət portalını izləyə bilərsiniz.
16 fevral tarixində baş tutacaq tədbirlərdə iştirak üçün qeydiyyat linki:
QEYDİYYAT LİNKİNƏ KEÇİD ETMƏK ÜÇÜN (tıklayın)
16 Fevral 2024, Cümə
14:00 Seminar: “1990-cı illərdə Böyük Britaniyada dramaturgiya, teatr sənəti, pyes yaradıcılığı”
Spiker: Aleks Syerts (Aleks Sierz), Kral İncəsənət Cəmiyyətinin üzvü, jurnalist, pedaqoq, teatr tənqidçisi
Məkan: Elmi Şura otağı
15:00 Müzakirə: “Postmüharibə dövrü Britaniya dramaturgiyasında müharibə mövzusu”
Pyes oxunuşu
Kəril Çörçill “Uzağa” (qısa fraqment) / Far Away by Caryl Churchill
Moderator: Emin Əliyev
Məkan: Kiçik səhnə
Ünvan: Azərbaycan Dövlət Mədəniyyət və İncəsənət Universiteti; Bakı şəhəri, İnşaatçılar prospekti 39.
16 February 2024, Friday
14:00 Seminar: “Dramaturgy, theatre-making, playwriting in UK plays of the 1990s”
Speaker: Aleks Sierz, FRSA, journalist, broadcaster, lecturer and theatre critic
Venue: Academic Council Room
15:00 Discussion: “The theme of war in the Post-war period in British drama”
Play Reading
Author: Caryl Churchill
Title: “Far Away” (short extract)
Moderator: Emin Aliyev
Venue: Small Stage
Adress: Azerbaijan State University of Culture and Arts; Ishaatcilar ave. 39, Baku
