Cəfər Cabbarlı adına Azərbaycan Dövlət Teatr Muzeyində teatrşünas, AMEA Memarlıq və İncəsənət İnstitutunun "Teatr, kino və televiziya" şöbəsinin müdiri, sənətşünaslıq üzrə fəlsəfə doktoru, Azərbaycan Dövlət Mədəniyyət və İncəsənət Universitetinin dosenti Vidadi Qafarovun 60 illiyinə həsr olunmuş yubiley tədbiri keçirilib. Tədbir yubilyarın müəllimləri, sənət yoldaşları, ailə üzvləri və tələbələrinin iştirakı ilə baş tutub.
Yubiley tədbirini Teatr muzeyinin direktoru Sevinc Mikayılova açaraq, Vidadi Qafarova sənət yolunda nailiyyət, möhkəm cansağlığı arzu edib və yubiley münasibəti ilə hazırlanmış videoçarxı tədbir iştirakçılarına təqdim edib.
Sevinc Mikayılova sonra sözü yubilyarın kurs rəhbəri olmuş professor Məryəm Əlizadəyə verib. Məryəm xanım çıxışında onu “iddiasız adam” adlandıraraq, gördüyü işlər qarşısında qoruyub saxladığı təvazökarlığını vurğulayıb. Onun necə tələbə, teatrşünas, sənət adamı olması haqqında danışıb.
Daha sonra söz Mədəniyyət nazirliyinin Teatr sektorunun əməkdaşı Emin Əliyevə verilib. Emin Əliyev Mədəniyyət Nazirliyinin rəhbərliyi və öz adından Vidadi Qafarovu təbrik edib. AMEA-nın əməkdaşları Tehran Əlişanoğlu, Rəcəb Məmmədov, Nərminə Ağayeva və Məlahət Ağayeva Vidadi Qafarovun gözəl keyfiyyətləri vurğulayaraq, onun zəhmətkeşliyindən, əzmkarlığından bəhs ediblər.
Sonra səhnəyə çıxan ADMİU-nun Teatrşünaslıq kafedrasının müəllimi Elçin Cəfərov Vidadi Qafarovu “işıqlı” insan adlandıraraq onun xeyirxahlığından danışıb. Vidadi Qafarovu təbrik üçün səhnəyə çıxan iş yoldaşları və tələbələri də ona ürəkdən təbriklərini çatdırıb. Sonda isə Teatrşünaslıq kafedrasının müdiri, professor Aydın Talıbzadə çıxış edərək, Vidadi Qafarovla yanaşı onun həyat yoldaşı Könül xanıma da təbriklərini çatdırıb.
Tədbir boyu C.Cabbarlı adına Azərbaycan Dövlət Teatr Muzeyinin əməkdaşı Suğra Ələkbərlinin pianoda ifa etdiyi klassik musiqilər yubiley iştirakçılarının zövqünü oxşayıb.
Tədbirin sonunda Vidadi Qafarov səhnəyə çıxaraq tədbirin təşkilatçılarına və bütün iştirakçılara öz təşəkkürünü bildirib. Teatrşünası 60 illik yubileyinə həsr olunmuş tədbir qonaqların xatirə şəkli çəkdirməsi ilə başa çatıb.
Azərbaycan Dövlət Mədəniyyət və İncəsənət Universitetinin 100 illik yubileyi münasibəti ilə “ADMİU 99+” layihəsi çərçivəsində “Dünya və teatr Qodonu gözlərkən” adlı beynəlxalq elmi konfrans ke&cce...
Qara dənizin Efesi adı ilə məhşur olan Prusias Ad Hypiumda 2 min il sonra ilk dəfə teatr tamaşası oynanılıb. Tamaşa eramızdan əvvəl 3-cü yüzilliyə aid Prusias Ad Hypiumda uzun müddətdir aparılan arxeoloji qazıntılardan sonra baş ...
“…Klassiklərimizin həyat hekayətlərindən məlum olur ki, onların əksəriyyəti sanki səhnə üçün doğulublar. Müqayisə edilməyəcək dərəcədə bir-birindən güclü sənətkarlarımızın sənət aşiqliyinin bəhrəsidir ki, ...
Cəfər Cabbarlı adına Azərbaycan Dövlət Teatr Muzeyində teatrşünas, AMEA Memarlıq və İncəsənət İnstitutunun "Teatr, kino və televiziya" şöbəsinin müdiri, sənətşünaslıq üzrə fəlsəfə doktoru, Azərbaycan Dövlə...
Gəncə Dövlət Kukla Teatrı Estoniyanın Vilyandi şəhərində keçirilən “Teatr çamadanda” 24-cü Beynəlxalq Kukla tamaşaları festivalında iştirak edib. Pandemiya dövrünün tələblərinə uyğun şəkildə ke...
Theodor Fontane deyirdi ki, “başqalarının həyatından dərs almağı bacaran insan xoşbəxtdir”. Dramaturqları bu baxımdan xoşbəxt insan hesab edirəm. Çünki onlar başqalarının həyatından dərs almaqla yanaşı, şahid olduqları hadisəl...
“Öyrətmək olmasın” adlı YouTube layihəsinin növbəti buraxılışı yayımlanıb. İlk buraxılışından geniş tamaşaçı auditoriyası qazanan, ideya müəllifi və rejissoru Elvin Rüstəmzadə, operatoru Sübhan Quluzadə ola...
Məşhur “Game of Thrones” (“Taxt-tac oyunları”) teleserialının yaradıcısı Corc R.R. Martin özünün fantastik kitab seriyasının əsasında teatr tamaşası hazırlayır.
“Buz və Alovun nəğməsi” romanlar si...
“Öyrətmək olmasın” adlı yeni YouTube layihəsinə start verilib. Layihənin ideya müəllifi gənc rejissor Elvin Rüstəmzadə, operatoru Sübhan Quluzadədir.
Artıq ilk buraxılışı yayımlanan layihə müəllim və tələbələrin ...
Bildiyiniz kimi, artıq bir ildir, Azərbaycanda koronavirus pandemiyası səbəbilə teatr-konsert müəssisələrinin fəaliyyəti məhdudlaşdırılıb. Buna görə də teatrlar ötən ilin aprel ayından etibarən, tamaşalarını onlayn platformalar v...