Salam, ey Milli teatro! Salam, ey əhli teatro! Gəlibən növbəti bayram, qutlayaq həpmizi burdan! Narahat olmayın heç siz, yaşayırsız yeni dövran, bu da bir tazə epoxa, bənzəyər fələki-çarxa, adına deyib korona, hər şeyi qoyub viranə, ediblər bizi divanə, salıblar güni-bəlaya, gedir bu dünya haraya?! Bağlanıbdır qapın-bacan, açılacaq görən haçan, xəbərin yox seyrçidən, seyrçinin də ki səndən, qalmısız həsrət-intizar, görünmür zamani-vüsal, ...Qərargah da hey oxuyar: Aman tello, tello can, tello...

Qış dumanı qar gətirər,
Yaz dümanı bar gətirər,
Bahar xoş xəbər gətirər,
Qərargahdan bir xəbər yo...
Aman tello, tello can, tello...

Maskanın iki üzü var,
Teatrın yaşam izni var,
Qərargahın bir sözü var...
Maskanı tax, evdə qal, hello...
Aman tello, tello can, tello...

Salam, ey Milli teatro! Salam, ey əhli teatro! Gəlibən növbəti bayram, qutlayaq həpmizi burdan! Darıxma sən heç əziz dost! Tezliklə gələr zamanı, atılar bir küncə maska, açılar səhnə məkanı, qoyular intizara son, gedərik teatra on-on, qalxar o sehirli pərdə, qovuşar ruh ilə canı, titrədər alqış salonu, yetərik biz də vüsala, dolar həyatla teatro, əbədiyaşar teatro, əbədi yaşar TEATRO!