Dövlət Teatrları Covid-19 səbəbindən səhnədən uzaq düşən tamaşaçılarla iyun ayının 3-də “Açıq hava yay oyunları” layihəsi ilə yenidən görüşməyə hazırlaşır. Bu barədə Dövlət Teatrlarının Baş İnzibatçısı Mustafa Kurt hazırlıqları İrfan Şahinbaş Səhnəsinin Macunköy filialında davam edən “Açıq hava yaz oyunları”nın keçirilməsi ilə bağlı Anadolu agentliyi müxbirinə məlumat verib.
M.Kurt keçən il “Açıq hava yay oyunları”nın ilk təqdimatını həyata keçirdiklərini və bu təqdimatın çox uğurlu alındığını, tamaşaçıların Ankarada və başqa bölgələrdə hazırlanan tamaşaları izləmə şansı qazandığını vurğulayıb.
M.Kurt bu il proqramın daha zəngin olacağını bəyan edərək, iyun ayında tamaşaçıların qarşısına çıxaracaqları “Açıq hava yay oyunları” layihəsinin səhnə işləri ilə bağlı hazırlıqların aparıldığını diqqətə çatdırıb.
M.Kurt: “İzləyicilər üçün auditoriya salonlarını daha komfortlu bir vəziyyətə gətirdik. Dövlət Teatrımızın Sənət və Texniki inzibatlığında fəaliyyət göstərən əməkdaşlarımız mütəmadi olaraq işləyirlər. Hazırlıqlarımız son mərhələdədir, tamaşalarımızı demək olar ki, müəyyənləşdirmişik. Səhnəmizi qurduqdan sonra “Açıq hava yay oyunları” 3 iyun tarixindən başlayaraq payız aylarına qədər davam edəcək”, - deyə qeyd edib.
Pandemiya dönəmində tamaşaçıların teatrlardan uzaq qalmasına baxmayaraq, Dövlət Teatrının yay aylarında həmin boşluqları aradan qaldırmaq üçün əlindən gələni edəcəyini deyən M.Kurt bu ayın əvvəlində DT tarixində ilk dəfə “Beyaz Yunus”-un premyera tamaşasının canlı yayımla sənətsevərlərə təqdim edildiyini, həmçinin, tamaşaçılardan səhnə əsərləri ilə bağlı önəmli mesajlar aldıqlarını bildirib.
Kiçik xanımlar və kiçik bəylər “Açıq hava yay oyunları”ında
M.Kurt iyun ayında ilk mərhələdə mono tamaşaların səhnəyə qoyulacağını, “Bəyaz Yunus”, “Həvəskarı üçün belə bir hekayə”, “Aşık Veysel”in tamaşaçılarla görüşəcəyini və iyul ayında “Açıq hava yay oyunları” çərçivəsində “Kiçik xanımlar və kiçik bəylər” adlı Teatr Festivalının təşkil ediləcəyini, həmçinin, Türkiyədən və xaricdən çox sayda uşaq tamaşasının kiçik teatrsevərlərə təqdim olunacağını da vurğulayıb.
Macunköy Səhnəsinin açıq məkanında zəmin və səhnə tərtibatı hazırladıqlarını, o cümlədən, uşaqlar üçün kiçik bir səhnə planlaşdırdıqlarını dilə gətirən Kurt tamaşaçıların rahat hiss edəcəkləri bir mühit yaratdıqlarını söyləyib.
M.Kurt: “Əgər yoluxmanın miqyası və aktiv xəstələrin ümumi sayı azalarsa, xoş bir mövsüm başlayacaq. Keçən il “Açıq hava yay oyunlarına əvvəldən axıra qədər hər cür nəzarət etmişdik. Tibbi maska, sosial məsafə, hərarətin ölçülməsi ilə bağlı hər hansı bir narahatlıq yaşamadıq. Eyni nəzarəti bu il də təmin edəcəyik.”-deyib.
Kamyon Teatrı bu il də İç Anadolunu gəzəcək.
Kamyon Teatrının da bu il İç Anadolu bölgəsindəki bütün vilayət və rayonlara səfər edəcəyini vurğulayan M.Kurt sözlərini bu ifadələrlə yekunlaşdırıb:
“Bu il Yunus Emrenin ili olduğu üçün Kamyon Teatrında “Yunus Emre” tamaşasını iki versiyada, yəni həm böyüklərə özəl, həm də uşaq tamaşası formatında təqdim edəcəyik. Balacalarımızın bir neçə fərqli tamaşalar izləmək şansları olacaq. İstanbul, İzmir, Ankara və Trabzon Dövlət Teatrlarının fərqli uşaq tamaşalarına baxmaq imkanı qazanacaqlar. Həm Kamyon Teatrının səfərləri ilə, “Açıq hava yay oyunları” eyni vaxtda başlayacaq. Tamaşaçılarımızla görüşəcəyimiz günü səbirsizliklə gözləyirik. Çünki səhnələrimiz, səhnəyə çıxmağımız və tamaşaçılarımız üçün darıxmışıq. Ümid edirəm ki, bayramdan sonra pandemiya şəraiti nəzarətli şəkildə aradan qaldırılar və tamaşaçılarımızla görüşə bilərik. Tamaşaçılarımız Dövlət Teatrı üçün çox darıxırlar. Bunu bizə gələn mesajlardan anlayırıq. “Açıq hava yay oyunları” üçün biz də çox həyəcanlıyıq.”
Tərcümə edən: Cavanşir Qasımov
