Teatro

yüklənir...

TEATRO

TEATRO

sənət portalı

post-title

Teatr mövsümünün son tamaşaları

Daha bir teatr mövsümünün sonu yetişdi. Bu dəfə də teatrlarımızın pərdələri tamaşaçıların üzünə açılmadı. Teatrlarımızın bir çoxu tamaşalarının lent yazılarını internet səhifələrində, sosial şəbəkə hesablarında yerləşdirməklə virtual da olsa, fəaliyyətlərini davam etdirməyə çalışdılar.

Teatrların əksəriyyəti tamaşaların virtual nümayişlərini dayandırıblar. Bu həftə isə Azərbaycanda teatr mövsümünə yekun vurulacaq. Mövsümün və son nümayişlərini Azərbaycan Dövlət Gənc Tamaşaçılar Teatrı və A.Şaiq adına Azərbaycan Dövlət Kukla Teatrı həyata keçirəcək.

Mətbuat xidmətindən aldığımız məlumata görə, A.Şaiq adına Azərbaycan Dövlət Gənc Tamaşaçılar Teatrı iyul ayının 20-si saat 12:00-da İsveç yazıçısı A.Lindqrenin “Uzuncorab Pippi” əsəri əsasında hazırlanmış eyniadlı tamaşanı, saat 18:00-da isə milli klassikimiz Ə.Haqverdiyevin “Pəri Cadu” pyesinin tamaşasını virtual şəkildə nümayiş etdirəcək.

A.Şaiq adına Azərbaycan Dövlət Kukla Teatrı isə iyulun 23-ü Ə.Səmədlinin “Cik cik xanım”, 24-ü Ş.Perronun “Sehrbaz qadın” 25-i M.Seyidzadənin “Cırtdan”, 31-i V.İlyuxovun “Oyaq gözəl” əsərlərinin tamaşalarını teatrının veb-saytı, yutub kanalı və facebook sosial hesabı vasitəsi ilə yayımlayacaq.