Məşhur “Game of Thrones” (“Taxt-tac oyunları”) teleserialının yaradıcısı Corc R.R. Martin özünün fantastik kitab seriyasının əsasında teatr tamaşası hazırlayır.

“Buz və Alovun nəğməsi” romanlar silsiləsinin müəllifi R.R.Martinin hazırladığı teatr tamaşası üzərində dramaturq Duncan MacMillan və rejissor Dominic Cek də onula birlikdə çalışır.

NTV the Hollywood reporterin məlumatına görə, hələlik adı açıqlanmayan layihə silsilə romanlarda və televiziya serialında ölən bəzi personajları həyata geri gətirəcək ilk teatr tamaşası olacaq.

Martinin kitab seriyasındakı hadisələrdən 16 il əvvəli təsvir edəcək tamaşa Robert Baratheonun üsyanının başlaması və Böyük Turnir (The Great Tourney) ətrafında formalaşacaq. 

Teatr tamaşasının rəsmi tanıtımı bu sözlərlə ifadə edilib: “Tamaşa izləyiciləri bu günə qədər sirr olaraq qalan və dönüş nöqtəsi kimi qiymətləndirə biləcəyimiz bir hadisənin pərdə arxasına aparacaq”.

Serialın ən simvolik və tanınan obrazlarından bir çoxunun yer aldığı tamaşada eyhamlarla dolu sirlərin və yalanların üzə çıxması ilə yanaşı sevgi, intiqam, dəlilik və peyğəmbərliklə məşğul olma təhlükələrinin ətrafında baş verən bir hekayə təsvir ediləcək.

Martin bu mövzu ilə bağlı açıqlamasında “Müharibə toxumları çox vaxt sülh zamanında əkilir. Yalançı Bahar ilində krallığın ən yaxşı cəngavərlərinin yarışmasını izləmək üçün həm zadəganlar, həm də sadə insanların toplandığı Herrenhalda baş verəcək qətliamı çox az adam bilirdi. HBO-da yayımlanan Game of Thrones serialında və “Buz və Alov”un nəğməsi romanlarında tez-tez bəhs olunan turnir və sair kimi hekayələrin tamamını nəhayət ki, hazırlanacaq tamaşada izah edə biləcəyik” - deyə, bildirib.

Dünya turnesinə çıxmağı hədəfləyən komanda ilk tamaşanı 2023-cü ildə oynamağı planlaşdırır.