Əməkdar İncəsənət xadimi, "Qızıl Dərviş" mükafatı laureatı, tanınmış televiziya rejissoru  Məhərrəm Bədirzadə 76 yaşında uzun sürən xəstəlikdən dünyasını dəyişib.
Məhərrəm Əlisəftər oğlu Bədirzadə 13 yanvar 1945-ci ildə Bakıda dünyaya göz açıb. M.Əliyev adına İncəsənət İnstitutunu bitirib. 1971-ci ildən televiziyada çalışmağa başlayıb. Bir sıra populyar verilişlərin - "Səhər görüşləri", "Dalğa", "Gəlin birlikdə gülək", "Gəzdim Azərbaycanı", "Günaydın", "Ocaq başı" və s. rejissoru olub. "Sarı gəlin" televiziya filminə görə "Qızıl qılınc" mükafatına layiq görülüb. Uzun illər, eyni zamanda Azərbaycan Dövlət Mədəniyyət və İncəsənət Universitetində dosent kimi pedoqoji fəaliyyət göstərib. "Qaçaq Süleyman", "Qaynana" əməliyyatı", "Bağdada putyovka var", "Mən sənin dayınam", "Gəlinlər", "Sonuncu şahid", "Sarı gəlin", "Təlatüm", "Dələduzlar" və sair 20-dən artıq film və teletamaşaya quruluş verib.
2006-cı ildə Azərbaycan Respublikasının Prezidentinin sərəncamı ilə əməkdar incəsənət xadimi fəxri adına layiq görülüb.
Allah rəhmət eləsin!