Əməkdar incəsənət xadimi, sənətşünaslıq üzrə fəlsəfə doktoru, Dövlət Xoreoqrafiya Akademiyasının dosenti, Dövlət Akademik Musiqili Teatrın direktoru Əliqismət Lalayevin 65 yaşı tamam olur. Bununla bağlı tanınmış teatr xadimi və alim barədə sənədli film hazırlanıb.
Əliqismət Hümmət oğlu Lalayev iyulun 4-də Salyan şəhərində anadan olub, Mədəniyyət və İncəsənət Universitetinin rejissorluq fakültəsini fərqlənmə diplomu ilə bitirdikdən sonra təyinatla Naxçıvana göndərilib. Əvvəlcə Muxtar Respublikanın Mədəniyyət Nazirliyində, sonra isə Cəlil Məmmədquluzadə adına Naxçıvan Dövlət Musiqili Dram Teatrında çalışıb. Bu sənət ocağının səhnəsində maraqlı obrazlar yaradıb, rejissor kimi tamaşalara quruluş verib. İstedadlı rejissorun hazırladığı tamaşalar barədə dövrü mətbuatda görkəmli alim, teatr tənqidçilərinin və jurnalistlərin məqalələri dərc edilib, həmin resenziyalarda Əliqismət Lalayevin Naxçıvanın teatr mühitinə yeni bir nəfəs gətirdiyi qeyd olunub, rejissor yozumu yüksək qiymətləndirilib.
Həm istedadlı rejissor, həm də bacarıqlı teatr təşkilatçısı kimi tanınan Əliqismət Lalayev bir müddət Müslim Maqomayev adına Azərbaycan Dövlət Akademik Filarmoniyasının direktor müavini vəzifəsində çalışıb, uzun illər Mədəniyyət Nazirliyinin İncəsənət Baş İdarəsinə, Mədəniyyət və Turizm Nazirliyinin incəsənət şöbəsinə rəhbərlik edib. Xarici ölkələrdə keçirilən nüfuzlu teatr festivallarının münsiflər heyətinin üzvü olub.
Əməkdar incəsənət xadimi Əliqismət Lalayev 2008-ci ilin mayından Azərbaycan Dövlət Akademik Musiqli Teatrına rəhbərlik edir. Mədəniyyət tariximizdə mühüm yeri olan bu sənət məbədi ötən illər ərzində təkcə adını yox, statusunu dəyişib, nüfuzu daha da artıb. Dövlət Akademik Musiqili Teatrı Azərbaycanı xarici ölkələrdə keçirilən festivallarda layiqincə təmsil edib. Teatrın aktyor və solistləri nüfuzlu sənət yarışmalarının qalibi olublar.
Tanınmış teatr təşkilatçısı və dəyərli alimin mənalı ömür yolundan bəhs edən “Ömrümü sizə vermişəm” sənədli filmində Xalq artistləri Təranə Muradova və İlham Namiq Kamal, Əməkdar incəsənət xadimi Mehriban Ələkbərzadə, professorlar Əli Əmirli, Məryəm Əlizadə və İlham Rəhimli, ailə üzvləri Əlimədət Lalayev, Ülvü Cəfərov Əliqismət Lalayevin 65 illik ömrünə nəzər salıblar.
Filmin quruluşçu rejissoru Samir Qulamovdur.
Müəllifin digər yazıları
Azərbaycan Dillər Universitetində Azərbaycan Yaradıcılıq Fondunun dəstəyilə təşkil edilən ənənəvi “Ədəbiyyat adamı” müsabiqəsinin mükafatlandırma mərasimi keçirilib.
Xalq yazıçısı, akademik Kamal Abdullanın təbrik...
“Həqiqi gözəllik bizə birbaşa təsir göstərməz. Batan günəş gözəldir, çünki bizi nələrisə itirməyə məcbur edir”, - belə deyirdi Arto.
Qəddarlıq teatrı 20-ci əsrin birinci yarısında Antonen Arto (189...
/мысли и высказывания деятелей культуры/
…Чтобы создать нацию, сперва надо создать театр /И.Гете/.
…Театр – это прежде всего инструмент эмоционального познания человеком себя самого и окружающего ми...
Naxçıvanın ilk müstəqil teatrı olan “Yeni Era” Uşaq və Gənclər Teatrının 1 yaşı münasibətilə Heydər Əliyev sarayında “Ələddinin Sehirli Çırağı” ailəvi meqaşousu oynanılıb.
Tədbiri giriş sözü ...
Azərbaycan Dövlət Akademik Musiqili Teatrı ilə dünyanın müxtəlif teatrları arasında yaradıcılıq əlaqələri ildən-ilə daha da genişlənir.
Bu dəfə Moskvanın "Pyotr Fomenkonun emalatxanası" teatrı Musiqili Teatrın qonağı...
Tanınmış publisist, tərcüməçi Eldar Quliyev (Eldar Qutlu) ötən gün uzun sürən ağır xəstəlikdən sonra vəfat edib.
Qeyd edək ki, "Kitabi-Dədə Qorqud"un redaktoru kimi tanınan Eldar Quliyev uzun müddət &ldquo...
Zorakılıq və ədəbiyyat
Minillik tarixə sahib olan ədəbiyyat az qala ilk nümunələrindəncə zorakılığı özündə əks etdirdi. Zorakılıq ədəbiyyatın ən çox işlənən mövzularındadır. Çünki zorakılıq insan...
XX əsr başqa müstəvilərdə olduğu kmi teatrda da mürəkkəb bir dövr, ziddiyyətlərin dərinləşdyi bir əsr olmuşdur. Dram sənətindəki fundamental dəyişikliklər, intellektual paradiqmalarda baş verən qırılmalar, siyasi-bədi...
08 aprel 2024-cü il tarixində Azərbaycan Respublikasının Mədəniyyət Nazirliyi və Azərbaycan Teatr Xadimləri İttifaqının birgə təşkilatçılığı ilə həyata keçirilən “QONAQ TEATR” layihəsi çərçivəsində Ağdam D...
...«Məxfi axşam» əsərini yaradarkən Leonardo da Vinçi çox böyük çətinliklə rastlaşmışdı – o, İsa obrazında Xeyiri və onu bu axşam yeməyində satmağa hazırlaşan İuda obrazında Şəri göstərməli idi. B...