Tanınmış aktyor, pedaqoq, bədii qiraət ustası, Azərbaycan Respublikasının Əməkdar müəllimi Nadir Hüseynov bu gün 73 yaşında vəfat edib.

Nadir Hüseynov Qəribağa oğlu 25 aprel 1952-ci il tarixində​Neftçala rayonunun Qırmızıkəndkəndində dünyaya gəlmişdi. 

1975-ci ildə Azərbaycan Dövlət İncəsənət İnstitutunun dram və kino aktyorluğu fakültəsini bitirib. İki il Lənkəran Dövlət Dram Teatrında işləyib. 1977-ci ildən ADİİ-nin Tədris teatrında aktyor və Səhnə danışığı kafedrasında müəllim kimi fəaliyyətə başlayıb və ömrünün son gününədək bu tədris ocağında çalışıb. Səhnə danışığı kafedrasının professoru olan Nadir Hüseynov tələbələrin ən sevimli müəllimlərindən idi. 

N.Hüseynov uzun illər AzTV-də “Ozan” folklor toplusu verilişinin aparıcısı olub.

“Axırıncı aşırıma qədər”, “Ali məqam”, “And”, “Cəsarətin heyrət məqamı”, “İlham Əliyev. “Olimp”infəthinə doğru”, “İlham Əliyev. Yeni neftin strategiyası”, “Uzaq sahillərin əfsanəsi”, “Yeddi duyum”, “Ali sevgi”, “Dan qızartısından qürub şəfəqlərinədək”, “Dar günün dostu”, “Dünənə ehtiramla, sabaha ümidlə”, “İlham Əliyev. Diplomatiyada uğur rəmzi”, “İlham Əliyev. Ümidlərin gerçəklik məqamı”, “Ötən əsrdən gələn adam” və s.bədii və sənədli televiziya filmlərini səsləndirib.

“Ev” adlı qısametrajlı bədii və “Əsrim, taleyim mənim” sənədli televiziya filmlərində çəkilib. 1975-ci ildə Leninqradda (Sankt-Peterburq) keçirilən V.Yaxontov ad. Ümumittifaq bədii qiraətçilər müsabiqəsinin diplomantı olub.

2023-cü ildə Azərbaycan Respublikasının Əməkdar müəllimi fəxri adına layiq görülmüşdü.

Allah rəhmət eləsin.