Sumqayıt Dövlət Dram Teatrının virtual repertuar planı rəhbərliyin iştirakı ilə müzakirə və təhlil olunaraq tərtib olunur və teatrın mətbuat xidməti tərəfindən göstərilən tarixdə və saatda sosial şəbəkələrə yerləşdirilir. Təbii ki, burada əlamətdar tarixlər, təqvim günləri də nəzərə alınır.
“Zəngin repertuara malik Sumqayıt Dövlət Dram Teatrının tamaşaları geniş tamaşaçı sevgisi qazanıb, eləcə də teatr ictimaiyyətinin də diqqətini cəlb edib. Koronovirus pandemiyasının başlandığı ilk vaxtlarda aylıq repertuar planını, həftədə 5 dəfə olmaqla təqdim edirdik. Amma prosesin uzandığını gördükdə planda müəyyən dəyişiklik edildi. Belə ki, daha çox arxiv tamaşalarına müraciət etdik. Arxiv tamaşalarının göstərilməsində məqsəd, əsasən, gənc nəslin nümayəndələrini teatrımızın zəngin tarixi ilə yaxından tanış etmək idi. Bu bir mənəvi proses olmaqla bərabər, karantin müddətində evdə qalan insanların teatra sevgi hissinin aşılanması sahəsində maariflənməsinə, onların mənəvi zənginləşməsinə, dünya və Azərbaycan dramaturgiyası ilə tanışlıqlarına, boş vaxtlarının faydalı dəyərləndirmələrinə xidmət edir.
Canlı tamaşalara yazılan rəylər rəbərlik tərəfindən təhlil edilir və heç şübhəsiz, bu rəylərdən gəldiyimiz nəticə növbəti ayın virtual repertuarı tərtib edilərkən nəzərə alınır. Təbii ki, onlayn tamaşaya baxan insanlar izlədikləri maraqlı tamaşanı sonradan gəlib canlı şəkildə görmək arzusunda olacaqlar. Çünki onlar da bilir ki, teatr canlı orqanizmdir. Arxiv tamaşalarında meydana çıxan texniki deffektləri bədii bütövlüyə xələl gətirmədən montaj edib tamaşaçıya təqdim edirik. Habelə, teatrın xeyli bayram ovqatlı ədəbi-bədii kompozisiyaları, təqvim günlərinə həsr olunmuş kütləvi tədbirləri, teatral xarakterli konsert proqramları da virtual repertuarda yer almaqdadır. Bu qəbildən olan videomateriallar həm izləyicinin mədəni istirahətini təmin edir, onu xoş ovqata kökləyir, həm də yaradıcı heyətimizin peşəkarlıq keyfiyyətləri ilə tanışlıq yaranır. Bundan əlavə yeni tamaşalarımızın anonsunu veririk. Məsələn "Uşaqlıq" monotamaşasından anons xeyli rezonans doğurub. Çox sayda izləyici kütləsi bu monotamaşanı teatrın səhnəsində izləmək istəyi haqda düşüncələrini sosial şəbəkələrdə bizimlə bölüşüblər. Karantin günlərində teatrımızın yaradıcı heyəti, demək olar ki, evdə qalmaqla, yaradıcılıqdan qalmayıblar. Aktyorlarımızın iştirakı ilə pandemiya ilə mübarizə çərçivəsində “Evdə qal, tamaşa izlə”, “Biz birlikdə güclüyük” devizi ilə bir neçə maarifləndirici videoçarxlar çəkilib, sosial şəbəkələrdə yayımlanmaqdadır. Teatrın baş rejissoru F.Məhərrəmov tanınmış teatrşünas, professor A.Talıbzadənin monopyesi əsasında onlayn məşqlərə başlayıb. İlk dəfə olaraq, yeni tamaşanın onlayn məşqi, onlayın qəbulu və nümayişi üçün direktorumuzun təklifi ilə gənc rejissor Fuad Kazımzadəyə Ə.Haqverdiyevin “Kimdir müqəssir" tamaşasının hazırlanması həvalə edilib.
Karantin rejimi başa çatdıqdan sonra tamaşaçılarımız Sumqayıt Dövlət Dram Teatrının səhnəsində Əməkdar artist Namis Şirməmmədovun quruluşunda dahi Ü.Hacıbəylinin "O olmasın, bu olsun", C.Məmmədquluzadənin "Danabaş kəndinin əhvalatları", klassik inciləri, Xalq artisti Firudin Məhərrəmovun quruluşunda Ü.Heydərovanın "Uşaqlıq", gənc rejissor Ümid Abbasın quruluşunda "Pələng" monotamaşalarını izləyə biləcəklər. Tearımıza dəvət olunmuş rejissor Gulnar Hacıyeva isə uşaqlara "Göyçək Fatmanın nağılını" hədiyyə edəcək. Ümumilikdə 6 yeni tamaşa tezliklə sevimli tamaşaçılarımıza tədqdim ediləcək.
Teatrın mətbuat xidməti
Müəllifin digər yazıları
Azərbaycan Dövlət Akademik Musiqili Teatrı ilə dünyanın müxtəlif teatrları arasında yaradıcılıq əlaqələri ildən-ilə daha da genişlənir.
Bu dəfə Moskvanın "Pyotr Fomenkonun emalatxanası" teatrı Musiqili Teatrın qonağı...
Tanınmış publisist, tərcüməçi Eldar Quliyev (Eldar Qutlu) ötən gün uzun sürən ağır xəstəlikdən sonra vəfat edib.
Qeyd edək ki, "Kitabi-Dədə Qorqud"un redaktoru kimi tanınan Eldar Quliyev uzun müddət &ldquo...
Zorakılıq və ədəbiyyat
Minillik tarixə sahib olan ədəbiyyat az qala ilk nümunələrindəncə zorakılığı özündə əks etdirdi. Zorakılıq ədəbiyyatın ən çox işlənən mövzularındadır. Çünki zorakılıq insan...
XX əsr başqa müstəvilərdə olduğu kmi teatrda da mürəkkəb bir dövr, ziddiyyətlərin dərinləşdyi bir əsr olmuşdur. Dram sənətindəki fundamental dəyişikliklər, intellektual paradiqmalarda baş verən qırılmalar, siyasi-bədi...
08 aprel 2024-cü il tarixində Azərbaycan Respublikasının Mədəniyyət Nazirliyi və Azərbaycan Teatr Xadimləri İttifaqının birgə təşkilatçılığı ilə həyata keçirilən “QONAQ TEATR” layihəsi çərçivəsində Ağdam D...
...«Məxfi axşam» əsərini yaradarkən Leonardo da Vinçi çox böyük çətinliklə rastlaşmışdı – o, İsa obrazında Xeyiri və onu bu axşam yeməyində satmağa hazırlaşan İuda obrazında Şəri göstərməli idi. B...
Aprelin 1-də Azərbaycanda keçirilən Belarus Mədəniyyət Günləri günləri çərçivəsində Bakıda Nizami Kino Mərkəzində Belarus Kino Günlərinin açılışı olub.
Belarusun Azərbaycandakı səfirliyinin nümayəndə...
“Çat vermiş divarda bitən çiçək,
Səni mən dərirəm o çatlaqlardan.
...
Əməkdar artist Rahib Əliyev vəfat edib.
Bu barədə APA-ya mərhumun oğlu Rəşad Əliyev məlumat verib.
Onun sözlərinə görə, Rahib Əliyevin cənazəsi sabah günorta saat 12-də Qurd qapısı qəbiristanlığında torpağa tapşırılacaq.
...
27 mart 2024-cü il tarixdə Azərbaycan Teatr Xadimləri İttifaqında Beynəlxalq Teatr Günü qeyd edilib.
Görkəmli sənət adamları, ziyalılar, media nümayəndələri və sənətsevərlərin iştirakı ilə keçirilən ...