TEATRO

TEATRO

sənət portalı

post-title

“Sizin çox gözəl teatr binalarınız var”

Qazaxıstan Milli İncəsənət Akademiyasının Teatr sənəti fakültəsinin dekanı Madina Kulseitova ilə ayaqüstü söhbət

20-22 may 2024-cü il tarixlərində TÜRKSOY Beynəlxalq Türk Mədəniyyəti Təşkilatı, Azərbaycan Respublikası Elm və Təhsil Nazirliyi və Azərbaycan Dövlət Mədəniyyət və İncəsənət Universitetinin (ADMİU) birgə təşkilatçılığı, Azərbaycan Respublikası Mədəniyyət Nazirliyinin dəstəyi ilə keçirilən “TÜRKSOY” II Beynəlxalq Tələbə Tamaşaları Festivalı baş tutdu.

Mən də bu təcrübədə iştirak etdim. İşim Qazaxıstan Milli İncəsənt akademiyasından gələn heyətə bələdçilik etmək idi. Bu 3 günün hər biri öz- özlüyündə çox maraqlı və yaddaqalan keçdi. Bu məqamlardan biri də T.Jurgenev adına Qazaxıstan Milli İncəsənət Akademiyasının Teatr sənəti fakültəsinin dekanı Madina Kulseitova ilə ayaqüstü söhbətimiz old

- Madina xanım, festival necə keçir?

- Festival çox gözəl keçir. İndiyə kimi bir birindən maraqlı tamaşalar izləmişəm.

- Azərbaycan teatrları haqqında təəsüratınız necədir?

- Sizin çox gözəl teatr binalarınız var. Bu gözəl yerləri, sadəcə, gəzmək belə xoşdur.

- Festival tələbələrin işlərinə həsr olunub. Maraqlıdır, Qazaxıstanda teatr sahəsinə tələbə qəbulu necə aparılır?

- Bizdə tələbə qəbulu hər il qabilliyyət imtahanıyla aparılır. Aktyorluq ixtisasına 28-30 tələbə qəbul edilir. O tələbələrin içində isə çox azı tənbəl olur.

- Teatrşünaslığa necə?

- Hə, onda da eyni ilə, elə də çox olmur.

- Bəs, dərslər necə keçilir?

-  Aktyorlara daha çox ixtisas dərsləri keçilir. Bununla yanaşı onlara, kareya, özbək, türk, alman, qırğız teatrlarının tarixi ilə bağlı tarixi və nəzəri fənlər tədris olunur.

- Bəs, aktyor sənətində hansı metoda, məktəbə üstünlük verirsiniz, Stanislaviski, Meyerhold, yoxsa?

- Ümumilikdə hamısı keçilir. Qrotovski də, Kantor da, Stanislavski də, Meyerhold da. Amma ən çox Efrosa üstünlük veririk. Bilirsiz ki, Efrosun rejissurasının əsasında Stanislaviski metodu dayanır.

- Bəs, qəbul necə aparılır?

- Qəbul dedikdə, bizim aktyorlarla bağlı xüsusi meyarlarımız var. Qızların boyu 1.65, oğlanların isə 1.75 sm-dən aşağı ola bilməz. Bizdə ən çox plastikaya önəm verildiyi üçün çox kök insanlar tərcih olunmur.

Bizdə də sizin kimi, musiqili, dram, opera, balet və s. teatrlar var. Bayaq da dediyim kimi, həm də alman, özbək, qırğız, türk teatrlar fəaliyyət göstərir. Hətta həmin teatrlar üçün Akademiyada ayrıca bölmə var, orda dərslər keçilir, aktyorlar və  rejissorlar hazırlanır.

Azərbaycanlı müəlliflərdən kimləri tanıyırsız?

- Təssüf ki, tanıdığım Azərbaycan yazarlarının sayı o qədər çox deyil. Azərbaycandan tanıdığım və sevdiyim Nizami Gəncəvidir, əsərlərini oxumuşam, sevirəm.

- Bəs, sizdə dünya ədəbiyyatının tərcüməsinə münasibət necədir, kimə daha çox üstünlük verirsiniz?

- Müxtəlif ölkə müəlliflərinin əsərləri tərcümə olunur. Amma rus xalqından daha çoxdur, Tolstoy, Ostrovski, Çexov və s. Bunlarla yanaşı, Mopassan, Molyer, Şekspir, Dante. Antik dövrdən Aristotel, Esxil, Sofokl, Evripid və s. oxunur.

- Təşəkkür edirəm, Madina xanım, Yenidən görüşənə qədər.

- Çox sağ olun.

 

İlkin Tağıyev
Tələbə-tearşünas

Load Time (S) : 0.000311