Open Space | Vizual və Performans İncəsənət Mərkəzi (Tbilisi), “Cənubi Qafqaz Sənədli Teatrlar Şəbəkəsi” layihəsi çərçivəsində Ritual Mobil Teatr Laboratoriyası ilə birgə hazırlanacaq sənədli tamaşaya iştirakçı-aktrisa qəbulu elan edir.

Mövzu ənənəvi Azərbaycan nağılı olan Tıq-Tıq xanımın yenidən düşünməsindən irəli gəlir. Bu tamaşada biz müasir insanların hekayələrini bir araya toplayaraq ənənəvi uşaqlıq nağılı “Tıq-tıq xanım”ı tənhalıq və ayrılıq prizmasından yenidən düşünmək istəyirik. Bu tamaşada biz sosiallaşmanın əhəmiyyətini və müasir cəmiyyətdə geniş yayılmış tənhalıq anlayışını araşdırmaq istəyirik.

İş prosesi 2024-cü ilin mart-may aylarında baş tutacaq. Mart ayı əsasən materialların toplanması və mətnin işlənib hazırlanmasına həsr ediləcək. Martın sonundan aprelin sonuna kimi məşq prosesi həyata keçiriləcək və aprelin sonu/mayın əvvələrində tamaşa nümayiş olunacaq. Bundan başqa tamaşanın il ərzində bir neçə nümayişi də planlaşdırılıb.

Prosesə Sənədli Teatr sahəsində xüsusi təhsil almış sənətçilər - dramaturq Zərif Bəkirova ( @zarifbakirova ), rejissor Aynur Zərrintac ( @aynurzarrintac ) və kurator David Xorboladze rəhbərlik edəcək. Keçən il onlar “Azərbaycanda Sənətçi Olmaq Nə Deməkdir?” tamaşasını qoymuşdular.

Mövzu sizin üçün maraqlıdırsa və real həyat hekayələrini araşdıran teatrı sevirsinizsə, müraciət etməkdən çəkinməyin. Seçilmiş sənətçilər üçün kiçik qonorar nəzərdə tutulub.

Müraciətlər üçün son tarix: 28 fevral 2023-cü il.

Tələblər
- 50-70 yaş aralığında yaşlı qadın obrazı oynaya bilən, azərbaycanca səlis danışan, araşdırma prosesinə maraqlı olan və aktyorluq təcrübəsi olan xanım.

Öhdəliklər
- Tamaşanın intervü alınma mərhələsində iştirak etmək
- Məşq prosesinə qoşumaq

Qeydiyyatdan keçmək üçün aşağıda yerləşdirilən linkə keçid edin:

https://shorturl.at/egzZ2