Azərbaycan Dövlət Mədəniyyət və İncəsənət Universiteti, TeatrO.az sənət portalı və müstəqil dOM teatrının əməkdaşlığı ilə “Sayt-spesifik teatr” mövzusunda seminar keçiriləcək. Seminarın spikeri dOM Teatrının bədii rəhbəri Tərlan Rəsulovdur. O, dünya teatr məkanında geniş yayılmış ”sayt-spesifik” teatr haqqında geniş məruzə ilə çıxış edəcək. Seminar çərçivəsində “Sayt-spesifik teatr” anlayışı ilə ümumi tanışlıq, onun dünya teatr məkanındakı yeri, Azərbaycan teatr gerçəkliyində tətbiqi və inkişaf perspektivləri müzakirə olunacaq. Müzakirələr spikerlə resipientlər arasında dialoq, sual-cavab şəklində gerçəkləşəcək. 5 aprel saat 15.00-da ADMİU-nun böyük səhnəsində baş tutacaq seminarda predmetə dair videomateriallar nümayiş olunacaq və sayt-spesifik teatrın konkret təzahürləri haqqında məlumat veriləcək.
“Site-spesifik” termini 1980-ci illərin əvvəllərindən yaransa da, 2000-ci illərdən sonra daha tez-tez işlənib. Rejissorlar tamaşa qoymaq üçün alternativ məkanlar, qeyri-teatral yerlər axtarırdılar. Teatrın qara qutuya bənzəyən səhnəsindən fərqli olaraq bu məkanların öz əhval-ruhiyyəsi, öz yaddaşı var. Onların yaddaşında müxtəlif əhvalatlar-tarixçələr var, rejissorlar tamaşa ilə bu əhvalatları canlandırmağa çalışırlar. Tədbirin məruzəçisi Tərlan Rəsulov kaspi qəzetinə verdiyi açıqlamada deyib:
“Site-spesifik teatr” tərcüməyə o qədər də uyğun gəlməyən bir termindir. Tətbiqi dram kimi bu anlayışın da xüsusi təyinata ehtiyacı var. Bir çox mütəxəssislərin ümumi fikrinə görə, sayt-spesifik termini qeyri-teatr məkanlarında nümayiş olunan tamaşalara aid edilir və belə məkanların seçimi ifaçı-seyrçi münasibətinə yenilik gətirməklə yanaşı, teatrın funksional vəzifəsinin tamamilə yeni anlamı yaradır. Sayt-spesifik təkcə qeyri-teatral məkanın təyini deyil, daha çox tamaşanın quruluşunda xüsusi yanaşma, ənənəvi teatr səhnəsinin hüdudlarından çıxmağı nəzərdə tutmalıdır.
Sayt-spesifik bir sıra interaktiv teatr növlərini özündə cəmləmişdir. Bunlara küçə teatrından savayı, İmmersiv Teatr (Immersive Theatre), Gəzinti Teatrı (Promenade Theatre), Mühit Teatrı (Environmental Theatre), Muzey Teatrı da daxildir. Çox zaman bu növləri bir-biri ilə qarışıq salırlar, bəzən eyni tamaşanı müxtəlif növlərə aid edirlər. Problem təkcə Xüsusi Məkan Teatr növlərinin deyil, bütün İnteraktiv Teatr növlərinin təsnifatında qeyri-müəyyənliyin olması, daha dəqiq desək, ümumiyyətlə, belə bir təsnifatın olmamasındadır.
Müəllifin digər yazıları
Qorxu bəşər övladı üçün qəliblər yaradan ən güclü fenomendir. İnsan əvvəlcə öz varlığının səbəbini axtarır, tapa bilmədikdə, bununla barışmır və sadəcə gözləyir. Bəzilərimiz qəflət yuxusunda ikən dünya &...
Azərbaycan Dövlət Akademik Musiqili Teatrı ilə dünyanın müxtəlif teatrları arasında yaradıcılıq əlaqələri ildən-ilə daha da genişlənir.
Bu dəfə Moskvanın "Pyotr Fomenkonun emalatxanası" teatrı Musiqili Teatrın qonağı...
Tanınmış publisist, tərcüməçi Eldar Quliyev (Eldar Qutlu) ötən gün uzun sürən ağır xəstəlikdən sonra vəfat edib.
Qeyd edək ki, "Kitabi-Dədə Qorqud"un redaktoru kimi tanınan Eldar Quliyev uzun müddət &ldquo...
Zorakılıq və ədəbiyyat
Minillik tarixə sahib olan ədəbiyyat az qala ilk nümunələrindəncə zorakılığı özündə əks etdirdi. Zorakılıq ədəbiyyatın ən çox işlənən mövzularındadır. Çünki zorakılıq insan...
XX əsr başqa müstəvilərdə olduğu kmi teatrda da mürəkkəb bir dövr, ziddiyyətlərin dərinləşdyi bir əsr olmuşdur. Dram sənətindəki fundamental dəyişikliklər, intellektual paradiqmalarda baş verən qırılmalar, siyasi-bədi...
08 aprel 2024-cü il tarixində Azərbaycan Respublikasının Mədəniyyət Nazirliyi və Azərbaycan Teatr Xadimləri İttifaqının birgə təşkilatçılığı ilə həyata keçirilən “QONAQ TEATR” layihəsi çərçivəsində Ağdam D...
...«Məxfi axşam» əsərini yaradarkən Leonardo da Vinçi çox böyük çətinliklə rastlaşmışdı – o, İsa obrazında Xeyiri və onu bu axşam yeməyində satmağa hazırlaşan İuda obrazında Şəri göstərməli idi. B...
Aprelin 1-də Azərbaycanda keçirilən Belarus Mədəniyyət Günləri günləri çərçivəsində Bakıda Nizami Kino Mərkəzində Belarus Kino Günlərinin açılışı olub.
Belarusun Azərbaycandakı səfirliyinin nümayəndə...
“Çat vermiş divarda bitən çiçək,
Səni mən dərirəm o çatlaqlardan.
...
Əməkdar artist Rahib Əliyev vəfat edib.
Bu barədə APA-ya mərhumun oğlu Rəşad Əliyev məlumat verib.
Onun sözlərinə görə, Rahib Əliyevin cənazəsi sabah günorta saat 12-də Qurd qapısı qəbiristanlığında torpağa tapşırılacaq.
...