Məlumdur ki, sənətçi nə qədər populyardırsa, rejissorlar ona bir o qədər çox qonorar təklif edirlər. Rusiyada bu baxımından ən məşhur aktyor Oleq Menşikovdur. Prodüser Sergey Morozovun sözlərinə görə, Oleq Yevgeniyeviç 12 saatlıq bir çəkiliş günü üçün 100 min dollar tələb edir ki, bu da təxminən 7,5  milyon rubla (170 min manat) bərabərdir. Lakin belə təkliflər sovet və rus kinosunun ulduzuna elə də çox olmur. 62 yaşlı aktyorun karyerasında sonuncu belə layihə Rusiyanın böhrandan əvvəlki dövründə baş tutub. Eyni hal digər yüksək qonorarlı ulduzlara da aiddir.

Təbii ki, ildə bir neçə layihədə iştirak edərək yaxşı pul qazanan daha “ucuz” məşhurlar da var. Məsələn, Dmitri Nağıyev və Sergey Burunov. Birincisi bir gün üçün 1 mln. 500 000 rubl (33 000 manatdan çox) alırsa, Burunov bir çəkiliş günündə 1,2 milyon (26 000 manatdan çox) qazanır. Amma bir məqamı da qeyd etmək lazımdır ki, sənətçilər öz gəlirlərindən agentlərinə, hüquqşünaslara və komandalarının digər üzvlərinə müəyyən faiz ödəyirlər.

Rusiyada serial aktyorunun bir çəkiliş günü üçün orta qiyməti isə təxminən 300-500 min rubldur (6 600-11 000 manat).

Xəbər rambler.ru saytının məlumatı əsasında işlənib.

https://kino.rambler.ru/actors/50368837-stalo-izvestno-imya-samogo-vysokooplachivaemogo-aktera-v-strane/#rcmrclid=96b45f842168659d