Open Space | Vizual və Performans İncəsənət Mərkəzi (Tbilisi), "Cənubi Qafqaz Sənədli Teatrlar Şəbəkəsi" layihəsi çərçivəsində Ritual Mobil Teatr Laboratoriyası ilə birgə hazırlanacaq sənədli tamaşaya iştirakçı-aktyor qəbulu elan edir.
Tamaşanın mövzusu - “Azərbaycanda incəsənətlə məşğul olmaq nə deməkdir?”
Burada biz Azərbaycanda incəsənətlə məşğul olan adamların həyat və şəraitini araşdıracağıq. Ətrafda tez-tez Azərbaycanda incəsənətin inkişaf etmədiyini, yaxşı filmlərin, musiqilərin, rəsm əsərlərinin çoxunun Sovet dövründə çəkildiyini, o vaxtdan mədəniyyətimizin korlandığını eşidirik. Bu niyə baş verir? Yaxud insanlar niyə belə düşünürlər?
Müasir sənətkarların çətinlikləri nələrdir? Azərbaycanda incəsənətin ümumi durumu necədir? Birlikdə "Azərbaycanda incəsənət sahəsində nələr baş verir?" və "Bu, yaxşılığa doğru necə dəyişə bilər?" suallarına cavab verməyə çalışacağıq.
İş prosesi 2023-cü ilin mart-aprel aylarında baş tutacaq. Mart ayı əsasən materialların toplanması və mətnin işlənib hazırlanmasına həsr ediləcək. Martın sonundan aprelin sonuna kimi məşq prosesi həyata keçiriləcək və aprelin sonunda tamaşa nümayiş olunacaq. Bundan başqa tamaşanın may və iyun aylarında bir neçə nümayişi nəzərdə tutulur.
Prosesə Sənədli Teatr sahəsində xüsusi təhsil almış sənətçilər - dramaturq Zərif Bəkirova, rejissor Aynur Zərrintac və kurator David Xorboladze rəhbərlik edəcək.
Mövzu sizin üçün maraqlıdırsa və real həyat hekayələrini araşdıran teatrı sevirsinizsə, müraciət etməkdən çəkinməyin. Seçilmiş sənətçilər üçün kiçik qonorar nəzərdə tutulub.
Müraciətlər üçün son tarix: 28 fevral 2023-cü il.
İştirakçılarla 1-2 mart tarixlərində əlaqə saxlanılacaq.
Bütün proses Azərbaycan dilində həyata keçiriləcəkdir.
Yaş həddi: +18
İştirak etmək istəyənlərdən müraciət formasını doldurmaları xahiş olunur - MÜRACİƏT FORMASI
***
Zərif Bəkirova - 10 ildən çoxdur ki, teatr sahəsində işləyir. O, 2014- 2016-cı illərdə Missuri Universitetində teatr üzrə magistr təhsili almışdır. Pandemiyadan əvvəl ADO müstəqil teatrında fəaliyyət göstərib. İndi isə əsasən sosial, sənədli teatr sahəsində öz bədii layihələrini həyata keçirir. Onun əsas ixtisas sahələri aktyorluq və dramaturgiyadır. O, 2019-cu ildə Azərbaycanda ilk yeni dramaturq festivalını təşkil etmişdi ki, orada 5 yeni pyes yazılmış və səhnələşdirilmişdir.
Aynur Zərrintac - Ritual Mobil Teatr Laboratoriyasının təsisçisi, teatr rejissoru, aktrisa və mədəniyyət üzrə tədbirlər kuratorudur. O, 2021-2022-ci illərdə İngiltərənin York Universitetində Teatr Rejissorluğu ixtisası üzrə magistr təhsili almışdır. Birləşmiş Krallığın Chevening təqaüdü, Almaniya Federativ Respublikasının Xarici İşlər Nazirliyinin təcrübə və ABŞ hökümətinin Beynəlxalq Könüllü Liderlər proqramlarının məzunudur. Azərbaycanda əsas təhsil və teatr sahəsində 5 ildir ki, təlimçi-rejissor kimi fəaliyyət göstərir. İngiltərədə I və II Qarabağ Müharibəsindəki şəxsi təcrübələri və Bosniya müharibəsindən bəhs edən uşaq gündəlikləri əsasında hazırladığı "Mimi" adlı sənədli tamaşa ilə diplom işini təqdim etmişdir. Bundan başqa o, sosial problemlərdən bəhs edən "Gender Güzgüsü", inklüziv cəmiyyət mövzusuna həsr edilmiş "Bizimlə ol!" sosial tamaşaların rejissoru, "Tısbağa Conatanın Macərası" adlı VR Kölgə tamaşasının həm-rejissorudur.
David Xorbaladze - Tiflisdə yerləşən Open Space | Vizual və Performans İncəsənət Mərkəzinin təsisçisi, teatr rejissoru, dramaturq və bəstəkardır. O, həmçinin Cənubi Qafqaz Sənədli Teatrlar Şəbəkəsinin kuratoru və mentorudur. 2016-cı ildən sənədli tamaşalar və yaradıcılıq emalatxanalarında multimedia rəssamı kimi fəaliyyət göstərməklə yanaşı, həm də sənədli materialların musiqi və tamaşaya çevrilməsi ilə məşğuldur. Yaradıcılıq işlərinə aşağıdakı tamaşalar daxildir: Kədər, Aclıq tanrısı - Mixail Çarkviani ilə birlikdə; Valideynlərin görüşü - Mixail Çarkviani ilə birlikdə; Ölü Şəhərlər (dramaturq və bəstəkar kimi); Birinci Akt - Mixail Çarkviani ilə birlikdə; Yerlər, Məkanlar - audio-tamaşa. David 2022-ci ildə Venesiyada keçirilən 59-cu Beinnale di Venezia Forumunda Gürcüstanı təmsil edən qrupun heyətində olub.
Müəllifin digər yazıları
MASK OR FACE / МАСКА ИЛИ ЛИЦО/- название книги английского актёра Майкла Редгрейва
ТЕАТР ДЛЯ ЛЮДЕЙ– название книги итальянского режиссёра Джорджо Стреллера
/мысли и высказывания европейских деятелей культуры о театральном искусстве/
&n...
22 iyul 2024-cü il tarixində Azərbaycan Teatr Xadimləri İttifaqının XV Konfransı keçirilib.
Konfransda 75 nümayəndədən 67 nəfər iştirak edib. Nümayəndələrin yekdil qərarı ilə Azərbaycan Respublilasının Əməkdar artisti Azad Ş...
Sevil Beynəlxalq Qadın Sənədli Film Festivalı çərçivəsində Fələstin, Fransa, Belçika, Qətər istehsalı Lina Sualemin "Hələlik, Tiberiya" filmi nümayiş edildi.
Film Hiyam Abbasın aktrisa olmaq arzusunun arxasınca ...
Sevil Beynəlxalq Qadın Sənədli Film Festivalının 5-ci mövsümünün təntənəli açılış mərasimi baş tutdu. 5 iyul Kapellhausda keçirilən tədbirdə festivalın beynəlxalq qonaqları da iştirak edirdi. Qırğızıstanın əməkdar in...
Kulis.az Aliyənin Azərbaycan Dövlət Yuğ Teatrında səhnələşdirilmiş "Pandalar" tamaşası haqqında yazdığı resenziyanı təqdim edir.
Bilmirəm niyə, bu aralar kino haqda, teatr haqda nəsə yazanda yazıya sənətin niyə vacib olması haqda pa...
...MİRZƏ FƏTƏLİ AXUNDOV öz pyeslərinin gələcək ifaçılarına, aktyorlara: - Mənim əzizim naqil – ki təmsilatımı oxuyacaqsan və ya hifz edib söyləyəcəksən – gərəkdir biləsən ki, bu təmsilat məhz ibarətdir neçə nəfər ə...
3 iyul 2024-cü il tarixində Çilinin Azərbaycandakı səfirliyi və CHARACTERS Müasir Dramaturgiya Festivalının təşkilatçılığı ilə Çili dramaturqu və rejissoru Pablo Manzinin “Barbarların yaşadığı yer” (“D...
“Yeni Tiyatro Dergisi” mövsümü möhtəşəm mükafatlandırma mərasimi ilə bağlayıb. Dərginin təsis etdiyi "Yeni Tiyatro Dergisi beynəlxalq əmək və başarı ödülləri"nin münsiflər heyəti mövs...
Ötən mövsümdə ölkənin teatr siması hesab olunan Akademik Milli Dram Teatrında üç premyeradan ikisində səhnəyə nəsr çıxdı. Ədəbi prosesdə poeziyanın və nəsrin kölgəsizndə gəzişən dramın artıq teatrda da ...
MİNALANMIŞ ƏRAZİLƏR: Müharibəyə uzaqdan baxmaq…
“Bu, ilk müharibə deyil, bundan qabaq da neçə müharibə olub. Son müharibə başa çatan gün bir tərəfdə məğlublar, bir tərəfdə qaliblə...