Dövlət başçısı tərəfindən hədiyyə edilən 3 otaqlı mənzilin açarları Xalq artistinə təqdim olunub. Belə ki, Prezident İlham Əliyev V.Həsənova mənzili onun doğum günündə hədiyyə edib.
Xalq artisti dövlət başçısına təşəkkür edib:
“Mən bu tarixdə 62 yaşımı haqladım. Ad günümdə səmimi, xoş arzular da oldu, maraqlı və dəyərli hədiyyələr də. Hamınıza təşəkkür edirəm. Dostlar! O gün, xüsusi ilə bir hədiyyənin mənə və ailəmə bəxş etdiyi sevinci sizinlə bölüşmək istəyirəm. Bilmirəm, bəlkə, bu təsadüf idi? Əlbəttə, bu, təsadüf ola bilərdi. Bəlkə də, sadəcə, tarixlər üst-üstə düşmüşdü? Əlbəttə, belə də ola bilərdi. Amma, mən belə düşünmək istəmirəm. Bu, nə təsadüf idi, nə də tarixlərin üst-üstə düşməsi. Məncə bu, qayğıkeş bir rəhbərin, genişürəkli bir insanın hər bir ölkə vətəndaşına göstərdiyi diqqətin ibrətamiz bir nümunəsi idi. Bu yaxınlarda məni Bakı Şəhər İcra Hakimiyyətinə çağırıb, bir sərancam təqdim etdilər. Bu, Həsənov Vidadi İsmail oğluna, Bakı şəhərində 3 otaqlı mənzil verilməsi ilə bağlı Möhtərəm Prezident cənab İlham Əliyevin sərancamı idi. Sərancamın tarixi isə - istəyirsiz inanın, istəyirsiz yox - məhz 16.07.2020-ci il idi. Dostlar! Bilmirəm, bəlkə, bu təsadüf idi? Bəlkə də, tarixlər üst-üstə düşmüşdü? Siz necə istəyirsiz düşünə bilərsiniz. Məncə, belə deyildi. Möhtərəm Prezident! Bu əlamətdar gündə mənə və ailəmə bəxş etdiyiniz sevincə görə Sizə dərin təşəkkürümü bildirirəm”.
Qeyd edək ki, V.Həsənov 1958-ci ilin iyulun 16-da Gəncədə anadan olub. Gəncə şəhər 37 saylı məktəbi bitirib. 1979-cu ildə hərbi xidməti başa vurduqdan sonra Cəfər Cabbarlı adına Gəncə dövlət dram teatrında fəaliyyətə başlayıb. 1980-ci ildə isə Azərbaycan Dövlət Mədəniyyət və incəsənət İnstitutunun dram və kino aktyoru ixtisasına daxil olub. İnstitutun Tədris Teatrında aktyor kimi iştirak edib.
O, 1986-cı ildə həmin universitetdə müəllim kimi fəaliyyətə başlayıb. Aktyor 1990-cı ildən isə YUĞ teatrında çalışır. 9 may 2012-ci ildə Əməkdar artist fəxri adına, 31 iyul 2019-cu ildə Azərbaycan kinematoqrafiyasının inkişafında xidmətlərinə görə Azərbaycanın xalq artisti fəxri adına layiq görülüb.
Oxşar yazılar
Sual qətiyyən ritorik deyil. Qiyamət gününün ağırlığı sallanır bu sualdan. Günümüzün insanı üçün nə dərəcədə maraqlı olduğunu bilmirəm, amma son günlər yaşanan olaylar, teatr həyatındakı durğun...
May ayının 21-dən 27-sinə qədər olan tarixlərindəki virtual repertuar
Azərbaycan Dövlət Akademik Milli Dram Teatrı
21 may
C.Məmmədquluzadə “Dəli yığıncağı” saat 19:00
22 may
C.Cabbarlı &ldqu...
XXI əsrin teatr düşüncəsi ötən əsrlə müqayisədə ciddi dəyişikliyə məruz qalıb, yeni yanaşmalar, yeni tendensiyalar, yeni janrlar, yeni teatr poetikaları, hətta yeni teatrlar yaranıb. Təbii, uğurlusu da olub, uğursuzu da&helli...
– Yəni teatr var ki?
Öz günü-güzəranı, dərdi-çoru ilə əlləşən sadə adamın bu sadə görünən sualı hardan baxsaq çox ciddidir.
Doğrudan da, bu gün teatr varmı? Onun bu cəmiyyətdə yeri nədən ib...
1 fevral tarixində Human teatrının "Mənim" tamaşasının premyerası olacaq. Azərbaycan Dövlət Kukla Teatrının səhnəsində oynanılacaq tamaşanın müəllifi və quruluşçu rejissoru Xalq artisti Pərviz Məmmədrzayevdir. Tamaşada rolları Pərviz Məmmədrzaye...
ADMİU-nun müəllim heyəti dünyanın ən nüfuzlu ali teatr təhsili müəssisələrindən hesab edilən Rusiya Dövlət Teatr Sənəti İnstitutunun (QİTİS) təşkil etdiyi onlayn ixtisasartırma kurslarında iştirak edib. Yarım ay davam edən kurslar peşəkar aktyorlar, ...
Fransız teatr və kino rejissoru, teatr naturalizminin nümayəndələrindən biri, “Azad teatr”ın yaradıcısı Andre Antuan 1858-1943-cü illərdə yaşayıb.
Gənc yaşlarından teatrla maraqlanan Andre, Komedi Fransezde statist (k&u...
Ölüm xəbərini sənətkarın ailəsi bildirilib. O, uzun sürən xəstəlikdən sonra dünən gecə saatlarında 71 yaşında dünyasını dəyişib.Aktyorla vida mərasimi evində olacaq.Qeyd edək ki, Rafiq Əliyev 1949-cu il noyabrın 14-də Füzuli rayonunun Merdinli kəndin...
Bu gün əziz sənət dostumuz, Xalq artisti Rafiq Əliyevin qonağı olduğumuz bu dünyadan əbədi evinə köçməyinin qırxıncı günü tamam oldu.
Qırx gündür ki, sevənləri yoxluğuna alışmağa məcbur olub, onu xatir...