Azərbaycan Dövlət Mədəniyyət və İncəsənət Universiteti 100 illik yubiley münasibətilə Pillə 2 Tələbə Tamaşaları Festivalına tamaşa qəbulu elan edir.

2023-cü il 5-9 iyun tarixlərində baş tutacaq Festival tələbələri yaradıcılığa ruhlandırmaq, onlara sənət bayramı yaşatmaq, gənc istedadların aşkarlanmasına dəstək olmaq və teatr tədrisi prosesini aktivləşdirilmək məqsədlərini hədəfləyir.

MÜKAFATLANDIRMA:

Festivalın qalibləri ADMİU-nun Teatrşünaslıq kafedrasının müəllimlərindən ibarət münsiflər heyətinin qiymətləndirməsi əsasında

“Ən yaxşı tamaşa”
“Ən yaxşı kişi rolu”
“Ən yaxşı qadın rolu”
nominasiyaları üzrə müəyyənləşdiriləcək.

Qaliblərə münsiflər heyətinin və gənc tənqidçilərin xüsusi mükafatları təqdim olunacaq.

Mükafat fondu:

- “Ən yaxşı tamaşa” – 1000 azn
- “Ən yaxşı kişi rolu” – 200 azn
- “Ən yaxşı qadın rolu” – 200 azn

Müsabiqəyə qəbul şərtləri:

1. Festivalda ADMİU-nun və digər universitetlərin bakalavr və magistr tələbələri tamaşa ilə iştirak edə bilər.
2. Müsabiqəyə göndərilən tamaşalara janr və mövzu məhdudiyyəti qoyulmur.
3. İştirakçılar tamaşaların posterini və müraciət formasını təşkilat komitəsinə təqdim etməlidirlər.
4. Müsabiqəyə təqdim edilən materiallar 20 may 2023-cü il tarixindən gec olmayaraq festival@admiu.edu.az elektron poçt ünvanına göndərilməlidir.
Qeyd: Son tarixdən (20 may 2023-cü il) gec göndərilən və tələblərə cavab verməyən tamaşalar müsabiqəyə qəbul olunmayacaq.
5. Təşkilat komitəsi festivala təqdim edilən tamaşaların seçimi və müsabiqə proqramının tərtibi hüququnu özündə saxlayır.
6. Təqdim edilməli materialların və sənədlərin siyahısı:
    • Müraciət forması (yükləmək üçün klik edin)
    • Tamaşanın MP4 formatında, 720p və daha yüksək görüntü keyfiyyətində 30-60 saniyəlik treyleri;
    • Tamaşanın posteri;
    • Tamaşadan 3-5 fotoşəkil (fotolar, ən azı, 300 dpi ölçüdə, 3 MB-dən böyük və jpeg formatında olmalıdır);
    • Məsul şəxsin şəxsiyyət vəsiqəsinin surəti (PDF).