Azərbaycan Dövlət Mədəniyyət və İncəsənət Universitetinin 100 illik yubileyi münasibətilə 5-9 iyun tarixlərində “PİLLƏ 2” Tələbə Tamaşaları Festivalı keçiriləcək.

Festivalda ADMİU-nun Aktyor və Rejissor sənəti ixtisası üzrə təhsil alan tələbələrin tamaşaları, o cümlədən Bakı Dövlət Universitetinin təqdim etdiyi “Yarımçıq qalmış” tamaşası nümayiş olunacaq. Festivalın qalibləri peşəkar teatrşünasların, tənqidçilərin iştirakı və münsifliyi ilə müəyyənləşəcək.

Qaliblərə “Ən yaxşı tamaşa”, “Ən yaxşı kişi rolu”, “Ən yaxşı qadın rolu” və “Gənc ekspertlərin mükafatı” nominasiyaları üzrə mükafatlar təqdim olunacaq.

Festival tamaşalarının müzakirəsində tələbə-teatrşünaslardan ibarət gənc ekspertlər qrupunun iştirakı da nəzərdə tutulur. Festival haqda ən yaxşı məqalə müəllifi olan tələbə də universitet tərəfindən mükafatlandırılacaq.

Artıq ikinci dəfə keçirilən Pillə festivalı tələbələrin yaradıcılıq prosesinə daha sıx təşviq edilməsi, gənc istedadların aşkarlanması və teatr tədrisi prosesinin aktivləşdirilməsi kimi məqsədləri hədəfləyir.  Festival “Teatro.az” sənət portalının informasiya dəstəyi, “Ballı Bisi” şirniyyat evi və “Sahib” parfümeriya şirkətinin tərəfdaşlığı ilə həyata keçirilir.

“PİLLƏ 2” Tələbə Tamaşaları Festivalının proqramını təqdim edirik:

PROQRAM

5 iyun

11:00 -  Kiçik səhnə

Açılış mərasimi – Kiçik səhnə

12:00 - Kiçik səhnə

B.Nuşiç – “Nazirin xanımı”

(Teatr sənəti fakültəsi, IV kurs, Kurs rəhbəri: Gülşad Baxşıyeva)

15:00 – Böyük səhnə

S.Mrojek – “Karol”

(Teatr sənəti fakültəsi, III kurs, rus bölməsi Kurs rəhbəri: Ruslan İsmayılov)

6 iyun

10:00 – Böyük səhnə

Tamaşaların müzakirəsi

12.00 – Kiçik səhnə

R.Bredberi – “Və ildırım çaxdı”

(Teatr sənəti fakültəsi, III kurs, Rejissor Raya Şərifova)

14:00 – Böyük səhnə

T.Cücənoğlu – “Uçqun”

(Teatr sənəti fakültəsi, III kurs, Kurs rəhbəri: Yaqut Paşazadə)

16:00 – Kiçik səhnə

Y.Abramov, L.Bəyim – “Yarımçıq qalmış”

(Bakı Dövlət Universiteti, Rejissor Vahid Orucoğlu)

7 iyun

10:00 – Kiçik səhnə

Tamaşaların müzakirəsi

12:00 – Böyük səhnə

Elçin – “Cəhənnəm sakinləri”

(Teatr sənəti fakültəsi, III kurs, Kurs rəhbəri: Ruslan İsmayılov)

14:00  – Kiçik səhnə

T.Nar – “Dərzi qayçısı”

(Teatr sənəti fakültəsi, III kurs Rejissor Elnur Əkbərov)

16:00 – Böyük səhnə

A.Kamyu – “Yad”

(Sabah qrupları, III kurs, Kurs rəhbəri: Ceyhun Dadaşov)

8 iyun

10:00 – Böyük səhnə

Tamaşaların müzakirəsi

12:00 – Kiçik səhnə

B.Brext – “Teresa Karrarın tüfəngləri”

(Sabah qrupları, II kurs, Kurs rəhbəri: Nofəl Vəliyev)

15:00 – Kiçik səhnə

C.Məmmədquluzadə - “Ölülər”

(Teatr sənəti fakültəsi, III kurs, Kurs rəhbəri: Məmmədsəfa Qasımov)

9 iyun

10:00 – Böyük səhnə

Tamaşaların müzakirəsi

Seminar12:00 – Kiçik səhnə

Seminar. Elena İsayeva  "Müasir dramaturgiya: mövzular və mənalar"

16:00 – Kiçik səhnə

Bağlanış və mükafatlandırma mərasimi

Ünvan: Azərbaycan Dövlət və Mədəniyyət və İncəsənət Universiteti, Bakı şəhəri, İnşaatçılar pr. 39