Azərbaycan Dövlət Mədəniyyət və İncəsənət Universitetinin 100 illik yubileyi münasibətilə “ADMİU 99+” layihəsi çərçivəsində 22-25 iyun tarixlərində “PİLLƏ” Tələbə Tamaşaları Festivalı keçiriləcək.

Festivalda ADMİU-nun Aktyor sənəti ixtisası üzrə təhsil alan tələbələrin təşkilat komitəsi tərəfindən seçilmiş diplom və kurs tamaşaları nümayiş olunacaq.

Festivalın qalibləri peşəkar teatrşünasların, tənqidçilərin iştirakı və münsifliyilə müəyyənləşdiriləcək.

Qaliblərə “Ən yaxşı tamaşa”, “Ən yaxşı kişi rolu”, “Ən yaxşı qadın rolu” nominasiyaları üzrə mükafatlar, o cümlədən gənc tənqidçilərin xüsusi mükafatı təqdim olunacaq. 

Bundan əlavə, festival müddətində tamaşaların müzakirəsilə əlaqədar tələbə-teatrşünaslardan ibarət gənc ekspertlər qrupunun aktiv fəaliyyəti də nəzərdə tutulur.

Universitetin 100 illik yubileyi ərəfəsində keçiriləcək “Pillə” festivalı tələbələrin  yaradıcılıq prosesinə daha sıx təşviq edilməsi, gənc istedadların aşkarlanması və teatr tədrisi prosesinin aktivləşdirilməsi kimi məqsədləri hədəfləyir. 

Festivalın proqramını təqdim edirik.