08.01.2024-cü il tarixində CHARACTERS Müasir Dramaturgiya Festivalı çərçivəsində festivalın kuratoru, dramaturq İsmayıl İmanın “Niyə pyes yazmaq lazımdır?” mövzusunda ustad dərsi keçiriləcək.

Bu ustad dərsi festivalın tərəfdaşı olan Azərbaycan Dövlət Mədəniyyət və İncəsənət Universitetində Kinoşünaslıq və Bədii yaradıcılıq və ekran dramaturgiyası (Ssenarist) ixtisasında təhsil alan tələbələr üçün 2023-cü ilin dekabr ayında artıq keçirilib. Bu dəfəki görüş geniş ictimaiyyət üçün açıqdır – həm yazarlar, həm də müasir teatrla maraqlanan üçün. Ustad dərsi festivalın tərəfdaşı olan Bakı Marionet Teatrında baş verəcək. Giriş sərbəstdir, öncədən qeydiyyat mütləqdir. 

Qeydiyyatdan keçmək üçün tıklayın

Xatırladaq ki, İsveçrə İnkişaf və Əməkdaşlıq Təşkilatının dəstəyi ilə, dramaturq İsmayıl İmanın təşkilatçılığı və kuratorluğu ilə həyata keçirilən layihənin tərəfdaşları Azərbaycan Dövlət Mədəniyyət və İncəsənət Universiteti, Azərbaycan Dövlət YUĞ Teatrı, Bakı Marionet Teatrı, Teatro.az sənət portalı, Katalizator Art Hub və TOTD İctimaiyyətlə əlaqələr təşkilatıdır. CHARACTERS Müasir Dramaturgiya Festivalı çərçivəsində müsabiqəyə pyeslərin qəbulu davam edir. Ustad dərsi zamanı İ.İman pyes müsabiqəsi və festivalla bağlı xəbərlər verəcək, o cümlədən münsiflər heyətinin tərkibi açıqlanacaq.

Tarix: 08.01.2024
Vaxt: 19:00
Məkan: Bakı Marionet Teatrı
Ünvan: İçərişəhər, Müslüm Maqomayev küç., 20