Bu gün Azərbaycan Dövlət Musiqili Teatrında Bolqar yazıçısı Stanislav Stratiyevin “Avtobus” pyesi əsasında “Çarəsiz sərnişinlər” tamaşasının məşqlərinə start verilib.
Məşqdə Musiqili Teatrın direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev iştirak edərək tamaşanın quruluşçu rejissoru Əməkdar incəsənət xadimi Mehriban Ələkbərzadə və yaradıcı heyəti ilə görüşüb, onlara bəzi tövsiyyələrini verib: “Bu əsər "Nuri-didə Ceyhun” tamaşasından sonra rejissorun Musiqili Teatrda ikinci işi olacaq. Əvvəlki tamaşa teatr aləmində çox böyük əks-səda doğurdu və bizə uğur gətirdi. İnanıram ki, bu yeni tamaşa da auditoriyasına görə daha geniş miqyası əhatə edəcək. “Çarəsiz sərnişinlər”- artıq bu ad bizə çox şeyi deyir. Çarəsiz anlarda özümüzü necə apara biləcəyimiz isə vicdan məsələsidir. Ektremal şəraitə düşəndə bizlər - insanlar “mən” olaraq özümüzü tanıyırıqmı? Əlbəttə, yox... Elə bu baxımdan, tamaşanın psixoloji təsir gücünü indidən hiss edirəm, uğurlu alınacağına inanıram... Kollektivə uğurlar arzulayıram."
Qeyd edək ki, janr etibarı ilə alleqorik, eksentrik və ya təxəyyül komediyasının xüsusiyyətlərini daşıyan bu tamaşanın qeyri-adi süjet xətti var. “Yolçuluq”, “Sərxoş gecə”, “Çıxış yolu” adlı 3 hissəyə bölünəcək tamaşada hadisələr avtobusun içərisində cərəyan edir. Məcburiyyət qarşısında bir araya toplaşan sərnişinlər qəfildən duyuq düşürlər ki, naməlum istiqamətə gedən avtobusu idarə edən sərxoş bir sürücünün iradəsindən asılı bir vəziyyətdə qalıblar. Bəlli olmayan ünvana, məqsədi və məramı aydın olmayan sürücü ilə eyni avtobusda, eyni taleni yaşamağa məhkum olan sərnişinlər çarəsiz halda həyatın bu sürprizinə “sağ qalmaq” naminə sonadək müqavimət göstərirlər.
Səhnə əsərində rolları Xalq artisti Pərviz Məmmədrzayev (Virtuoz), Əməkdar artistlər Əzizağa Əzizov (Kəndçi), Ələkbər Əliyev (Ağılsız), Şövqi Hüseynov (Ağıllı), Əkbər Əlizadə (Məsuliyyətsiz), aktyorlar Əliməmməd Novruzov (Ər), Ülviyyə Əliyeva (Arvad), Aydan Həsənova (Qız), Nicat Həbibov (Oğlan) ifa edəcəklər. Tamaşanın musiqi tərtibatçısı və quruluşçu dirijoru Orxan Həşimov, quruluşçu rəssamı Əməkdar mədəniyyət işçisi İlham Əsgərov, xormeysteri Əməkdar artist Vaqif Məstanov, rejissor assistentləri Elməddin Dadaşov və Sevinc Məmmədovadır.
Oxşar yazılar
Koronavirus (COVID-19) təhlükəsinə görə Azərbaycandan olan tələbələr "QİTİS-Master Klass 2020" MDB ölkələrinin Teatr festivalında iştirak etməyəcək. APA-nın Moskva müxbirinin verdiyi məlumata görə, Azərbaycan martın 14-dən 19-dək Moskvada ...
İyunun 1-dən 5-dək I Lənkəran Beynəlxalq Teatr festivalı keçiriləcək. Mədəniyyət Nazirliyinin, Lənkəran Şəhər İcra Hakimiyyətinin və Teatr Xadimləri İttifaqının birgə təşkilatçılığı ilə keçirilən bu sənət bayramı ölkə Prezidentinin Sərəncamı ilə təsd...
Biz artıq dörd aydır ki, pandemiya dövründə yaşayırıq. Bu, bizim hamımız üçün hər mənada – həm fiziki, həm də psixoloji baxımdan bir sınaq, bir dərsdir! Bu dərsdən, sınaqdan necə çıxacağımız isə bizdən ası...
Hәr bir insanın öz prinsipləri, hər bir cəmiyyətin özünəməxsus mental dəyərləri, hər bir yazıçının öz yaradıcılıq sferası var. Fərqli dünyagörüşünü, fəlsəfi mövzuları məişət fonunda təqdim edən və onların simvolik strukturunu yarada bilən yazıçılarda...
Azərbaycan Respublikasının Prezidenti İlham Əliyev Azərbaycan teatrlarının inkişafı ilə bağlı tədbirlərin davam etdirilməsi haqqında daha bir Sərəncam imzalayıb. Sərəncamda deyilir: Azərbaycan teatr ənənələrinin qorunub saxlanılması və dövrün tələblə...
Dünyaca məşhur tenor, Azərbaycanın Xalq artisti Yusif Eyvazov ermənistanlı müğənni Ruzan Mantaşyanla eyni səhnəni bölüşməkdən imtina edib. Bu barədə Massis Opera konsert agentliyinə istinad edən fransanın ForumOpera.com nəşri məlumat yayıb. Məlumatda...
Fevralın 6-da Azərbaycan Dövlət Akademik Opera və Balet Teatrında Xalq artisti, professor, diplomat, görkəmli ictimai xadim Polad Bülbüloğlunun 75 illik yubileyi münasibətilə bəstəkarın “Eşq və Ölüm” baleti nümayiş olunacaq.Teatrın mətbuat xidmətində...
Keçmiş zamanlarda bir qoca varmış
Qoca qarısıyla birgə yaşarmış
Geniş göy dənizin sahillərində
Köhnə daxmasında, uçuq evində
Onlar otuz üç il ömür sürmüşdü,
Nə xoş bir güzəran, nə...
“Azərbaycanda S.A.Qerasimov adına Ümumrusiya Dövlət Kinematoqrafiya İnstitutu (ВГИК) günləri. Dünyanın ilk kino məktəbinin 100 illiyi” layihəsi çərçivəsində 10 aprel saat 19.00-da Azərbaycan Dövlət Gənc Tamaşaçılar Teatrının səhnəsində Rusiyanın Xalq...
LEVENT SUNER
(ixtisarla)
Aktyorun, səsininin sərbəstliyini əsərə tətbiq etmə məcburiyyətində qaldığı ikinci mərhələdə iş daha kompleks hala gətirilir. Bir çox aktyor öz bədəninin ona təqdim edə biləcəyi imkanları məhdudlaşdıraraq, h...