Pandemiya ilə əlaqədar fəaliyyətini müvəqqəti dayandırsa da, YUĞ Dövlət Teatrı tamaşaların internet resursları vasitəsilə yayımını davam etdirir. Elan edilmiş virtual repertuara əsasən, iyun ayının 25-də saat 19.00-da teatrın son işlərindən olan “Mənəm, mən…” tamaşası YUĞ-un youtube kanalı və facebook səhifəsində nümayiş olunacaq.
İmadəddin Nəsiminin 650 illiyinə həsr edilmiş “Mənəm, mən...” tamaşası Yuğ Dövlət Teatrının və Beynəlxalq Türk Mədəniyyəti və İrsi Fondunun birgə layihəsi əsasında hazırlanıb. Yazıçı, dramaturq İlqar Fəhminin pyesi əsasında hazırlanmış tamaşanın quruluşcu rejissoru Əməkdar incəsənət xadimi Mehriban Ələkbərzadə, quruluşçu rəssamı Vüsal Rəhim, bəstəkarı Xalq artisti Aygün Səmədzadə, plastik həllin müəllifi Ceyhun Dadaşov, rejissor assistenti Günel Səfərovadır. Səhnə əsərində aktyorlar Xalq artisti Məmməd Səfa (Şeyx Əzəm Şəmsəddin Bağdadi), Əməkdar artist Qasım Nağı (Hürufi ilahi şeir), aktyorlar Əbdülqəni Əliyev (Hürufi elmi-ilahi), Ziya Ağa (Seyid Əli Şamlı), Vüqar Hacıyev (Hürufi eşqi-ilahi), Elgün Həmidov (Hürufi ilahi yazı), Amid Qasımov (Hürufi övliya ullah) və Elşən Əsgərov (Fərraş) çıxış edirlər.
Nəsimi şəxsiyyətinə, onun zəngin mənəviyyatına və əngin zəkasına özünəməxsus nəzər salan tamaşada hürufi şairin həyatı və amalı uğrunda mübarizəsi fərqli yozumlarda təsvir edilir. Mistik-psixoloji dram kimi hazırlanan səhnə əsərində konkret olaraq, Nəsimi obrazı yoxdur. Əvəzində, Nəsimi ruhu, hürufi fəlsəfəsinin müxtəlif personajların simasında əyaniləşən təzahürləri var. Seyid Əli hamisi Şeyx Əzəm Şəmsəddin Bağdadinin göstərişi ilə hürufiliyin kökünü kəsmək və Nəsimini edam etdirmək üçün şairin izinə düşür. O, bu zaman özlərini Nəsimi kimi təqdim edən personajlarla üzləşir və onları edam etdirir. Bu obrazlar fərqli aspektlərdən Nəsimi məninin təzahürlərini, hürufiliyin hikmətlərini çatdırır. Hər biri “Nəsimi, mənəm, mən” deyərək hürufilik əqidəsi uğrunda ölümə gedirlər. Həqiqətə işıq salmağa çalışan, haqqa dəvət edən hürufilərlə ünsiyyət, Seyid Əlini sarsıdır, şüurunda dərin iz qoyur, içində gizlətdiyi haqqı zahirə çıxarır. Nəticədə Seyid Əli özü Nəsimiyə çevrilir və hürufi məqamına yüksələrək “Ənəlhəq” deyib haqqa qovuşur.
Müəllifin digər yazıları
Azərbaycan Dövlət Akademik Musiqili Teatrı ilə dünyanın müxtəlif teatrları arasında yaradıcılıq əlaqələri ildən-ilə daha da genişlənir.
Bu dəfə Moskvanın "Pyotr Fomenkonun emalatxanası" teatrı Musiqili Teatrın qonağı...
Tanınmış publisist, tərcüməçi Eldar Quliyev (Eldar Qutlu) ötən gün uzun sürən ağır xəstəlikdən sonra vəfat edib.
Qeyd edək ki, "Kitabi-Dədə Qorqud"un redaktoru kimi tanınan Eldar Quliyev uzun müddət &ldquo...
Zorakılıq və ədəbiyyat
Minillik tarixə sahib olan ədəbiyyat az qala ilk nümunələrindəncə zorakılığı özündə əks etdirdi. Zorakılıq ədəbiyyatın ən çox işlənən mövzularındadır. Çünki zorakılıq insan...
XX əsr başqa müstəvilərdə olduğu kmi teatrda da mürəkkəb bir dövr, ziddiyyətlərin dərinləşdyi bir əsr olmuşdur. Dram sənətindəki fundamental dəyişikliklər, intellektual paradiqmalarda baş verən qırılmalar, siyasi-bədi...
08 aprel 2024-cü il tarixində Azərbaycan Respublikasının Mədəniyyət Nazirliyi və Azərbaycan Teatr Xadimləri İttifaqının birgə təşkilatçılığı ilə həyata keçirilən “QONAQ TEATR” layihəsi çərçivəsində Ağdam D...
...«Məxfi axşam» əsərini yaradarkən Leonardo da Vinçi çox böyük çətinliklə rastlaşmışdı – o, İsa obrazında Xeyiri və onu bu axşam yeməyində satmağa hazırlaşan İuda obrazında Şəri göstərməli idi. B...
Aprelin 1-də Azərbaycanda keçirilən Belarus Mədəniyyət Günləri günləri çərçivəsində Bakıda Nizami Kino Mərkəzində Belarus Kino Günlərinin açılışı olub.
Belarusun Azərbaycandakı səfirliyinin nümayəndə...
“Çat vermiş divarda bitən çiçək,
Səni mən dərirəm o çatlaqlardan.
...
Əməkdar artist Rahib Əliyev vəfat edib.
Bu barədə APA-ya mərhumun oğlu Rəşad Əliyev məlumat verib.
Onun sözlərinə görə, Rahib Əliyevin cənazəsi sabah günorta saat 12-də Qurd qapısı qəbiristanlığında torpağa tapşırılacaq.
...
27 mart 2024-cü il tarixdə Azərbaycan Teatr Xadimləri İttifaqında Beynəlxalq Teatr Günü qeyd edilib.
Görkəmli sənət adamları, ziyalılar, media nümayəndələri və sənətsevərlərin iştirakı ilə keçirilən ...