Akademik Milli Dram Teatrı “Mədəni gənclik” layihəsinə ev sahibliyini edib. Teatrdan verilən məlumata görə, layihə çərçivəsində Cəlil Məmmədquluzadənin eyniadlı əsəri əsasında Xalq artisti Azər Paşa Nemətovun quruluşunda hazırlanan “Ölülər” tamaşası nümayiş olunub.
Bakı Dövlət Universitetinin tələbələri dahi Mirzə Cəlilin qələmindən çıxan ölməz əsərin müasir səhnə interpretasiyası ilə tanış olub, tamaşadan sonra təəssüratlarını bölüşüblər.
Mədəniyyət Nazirliyinin sifarişi ilə hazırlanan səhnə əsərində görkəmli bəstəkar, Xalq artisti Qara Qarayevin "Ölülər” əsəri üçün bəstələdiyi musiqi yeni versiyada təqdim olunub.
"Ölülər”in Şeyx Nəsrullahı Xalq artisti Nurəddin Mehdixanlı, Kefli İsgəndəri isə Əməkdar artist Anar Heybətovdur.
Tamaşada digər rolları Xalq artistləri Laləzar Mustafayeva, Rafiq Əzimov, Hacı İsmayılov, Kazım Abdullayev, Sabir Məmmədov, Əli Nur, əməkdar artistlər Aslan Şirin, Elşən Rüstəmov, Elxan Quliyev, Məzahir Cəlilov, Kazım Həsənquliyev, Mirzə Ağabəyli, Mətləb Abdullayev, aktyorlar Elçin Əfəndi, Ramin Şıxəliyev, Vüsal Mustafayev, Canəli Canəliyev, Elnur Qədirov, Rüstəm Rüstəmov, Xədicə Novruzlu, Ləman İmanova, Rada Nəsibova və Firuzə Balayeva canlandırırlar.
Əsərdəki mənəvi əsarət, fanatizm və cəhalət aktyorların ifasında özünəməxsus çalarlarla açılır. Yaradıcı heyət Cəlil Məmmədquluzadə düşüncələrini yüksək məharətlə ifa edərək, XX əsrin əvvəllərində Azərbaycanda baş verən prosesləri, mövhumat və cahilliyin poetik və dramatik lövhələrini dolğun təcəssüm etdirə bilirlər.
Qeyd edək ki, Mədəniyyət Nazirliyi tərəfindən həyata keçirilən “Mədəni gənclik” layihəsinin məqsədi gənclərin incəsənətə marağının artırılması, onların ölkənin mədəni proseslərinə cəlb edilməsi, Azərbaycan gənci və mədəniyyətimiz arasında körpü salmaq, mədəni dəyərlərimizə sahib çıxacaq nəslin yetişdirilməsinə töhfə verməkdir.
Polina Baxtina Moskvada doğulub. Moskva Poliqrafiya Universitetini qrafik rəssam ixtisası ilə bitirib. 10-a yaxın teatr tamaşasında teatr rəssamı kimi çalışıb. Xeyli sayda kitaba illüstrasiyalar işləyib. XIII "Praqa Kvadrinale 2015: ...
“Yuğ” Dövlət Teatrında “Asılqan” adlı yeni tamaşa hazırlanır. Hazırda teatrın yaradıcı heyətinin iştirakı ilə bu səhnə əsərinin məşqləri gedir.
Bu barədə sənət ocağının mətbuat xidmətinin əməkdaşı Suray Öməro...
Müstəqil “M.Teatr”da (“Mənim teatrım”) tanınmış fransız dramaturqu, aktrisa Jasmina Rezanın “Art” adlı əsəri əsasında hazırlanan eyniadlı tamaşanın premyerası olub.
Yeni tamaşanın quruluşçu rejissoru...
Mədəniyyət Nazirliyi və Azərbaycan Teatr Xadimləri İttifaqının təşkilatçılığı ilə keçirilən "Qonaq teatr" layihəsi davam edir. Layihə çərçivəsində yaxın günlərdə digər bölgə teatrlarının paytaxtımıza gə...
Tərlan Rəsulov - Teatr Olimpiadası 2023: təəssüratlar, ümidlər
Rejissor və pedaqoq, Azərbaycanda ilk interaktiv dOM Teatrının yaradıcısı, Teatr Xadimləri İttifaqının “Eksperimental teatr” laboratoriyasının rəhbəri Tərla...
Mayın 14-də qapalı, 15-də isə açıq nümayiş ilə "Salaam Cinema" icma məkanında "Azərbaycanda sənətçi olmaq nə deməkdir?" adlı sənədli tamaşa nümayiş etdirilib.
Müəllifi Zərif Bəkirova,...
Gəncə Dövlət Dram Teatrı 16-26 may tarixlərində T.C. Trabzon şəhərində keçirilən 23.Uluslararası Karadeniz Tiyatro Festivalında E.İoneskonun "Kral ölür" tamaşası ilə çıxış edəcək. Teatr festivalda Ank...
Əməkdar incəsənət xadimi, rejissor Mehriban Ələkbərzadə Akademik Milli Dram Teatrının bədii rəhbəri təyin edilib.
"Qafqazinfo" xəbər verir ki, bununla bağlı mədəniyyət naziri müvafiq əmr imzalayıb.
Qeyd edək ki, Akademik Milli Dr...
Mayın 13-də Səməd Vurğun adına Azərbaycan Dövlət Akademik Rus Dram Teatrının səhnəsində Xalq yazıçısı Elçinin pyesi əsasında hazırlanmış “Otelloya xəyanət” tamaşasının premyerası olacaq.
Tamaşanın quruluşçu re...
Lənkəran Dövlət Dram Teatrında Əbdürrəhim bəy Haqverdiyevin "Kimdir müqəssir?" vodevilinin motivi əsasında "Müqəssir" tamaşasının məşqləri davam etdirilir. Mistik komediya janrında olan səhnə əsərinin müəl...