Mədəniyyət Nazirliyinin gənclərin incəsənətə marağının artırılması   məqsədi ilə həyata keçirdiyi “Mədəni gənclik” layihəsi çərçivəsində BDU-nun tələbələri iki  ay ərzində beş mədəniyyət ocağında – Azərbaycan Dövlət Akademik Milli Dram, Azərbaycan Dövlət Akademik Opera və Balet, Azərbaycan Dövlət Akademik Musiqili, Azərbaycan Dövlət Akademik Rus Dram Teatrlarında və Azərbaycan Dövlət Akademik Filarmoniyasında tamaşa və konsertlərə baxmaq imkanı əldə edəcəklər. “Mədəni gənclik” layihəsi həmçinin gənclərin incəsənət xadimləri ilə görüşlərini, tələbələrin Mədəniyyət Nazirliyinin “Şuşa ili”nə həsr olunmuş pyes müsabiqəsi, “4.4 Qısa Tamaşalar Festivalı” kimi layihələrində, teatr tamaşalarında və konsert proqramlarında iştirakını nəzərdə tutur.

Mədəni gəncliyə ilk ev sahibliyini S.Vurğun adına Azərbaycan Dövlət Akademik Rus Dram Teatrı edəcək. Layihə çərçivəsində gənclər Rus Dram Teatrının “Müsyö Jordan”, “Yeddi gözəl”, Akademik Milli Dram Teatrının “Ölülər”, “Lənkəran xanının vəziri”, Akademik Musiqili Teatrın “Paris Notr Dama ithaf”, “Məşədi İbad”, “Arşın mal alan” tamaşalarına, Bakı Kamera Orkestrinin və Azərbaycan Dövlət Xalq Çalğı Alətləri Orkestrinin konsertlərinə baxacaqlar. Həm də, sadəcə, baxmaqla kifayətlənməyəcək, kollektivlə görüşəcək, sorğuda iştirak edərək ən çox bəyəndikləri teatrı, tamaşanı, rejissoru, aktyor və aktrisaları qiymətləndirmək imkanı qazanacaqlar. Gəncərin baxdıqları tamaşalar və haqqında təəssüratlarını qəlmə ala, Mədəniyyət qəzetində və Teatro.az sənət portalında çap etdirə biləcəklər.

Azərbaycan gənci və Azərbaycan mədəniyyəti arasında körpü yaratmağı, milli incəsənətimizi gənclər arasında təbliğ etməyi hədəfləyən “Mədəni gənclik” layihəsi gələcəyə atılmış desantdır, çünki bu günün mədəni gəncliyi gələcəyin qüdrətli Azərbaycanının qarantıdır. H.Cavidin təbirincə desək,

“Turana qılıncdan daha kəskin, ulu qüvvət

Yalnız mədəniyyət, mədəniyyət, mədəniyyət!” (H.Cavid).

Layihə çərçivəsində nümayiş olunacaq tamaşa və konsertlərin cədvəli: