“Lübimovkanın əks-sədası Bakıda” festivalı davam edir. Festivalın 3-cü həftəsində də iştirakçıları maraqlı tədbirlər gözləyir. 20 iyun 2023-cü il tarixində saat 17.00-da jurnalist, art-menecer, teatr prodüseri Zalina Kantemirovanın “Post-həqiqət dövründə müstəqil teatr: nədən asılı deyil və bu gün hansı dildə danışır” mövzusunda mühazirəsi, 19.00-da isə Ruslan İsmayılovun quruluşunda Mixail Durnenkovun “Müharibə hələ başlamayıb” pyesinin Azərbaycan dilində oxunuşu təqdim olunacaq. Hər iki tədbirdə iştirak qeydiyyat yolu ilə mümkündür.  

20 iyun 2023, çərşənbə axşamı

17:00 Tədris proqramı

Mühazirə: “Post-həqiqət dövründə müstəqil teatr: nədən asılı deyil və bu gün hansı dildə danışır”.

Mühazirəçi: Zalina Kantemirova, jurnalist, art-menecer, teatr prodüseri.

Mühazirə eksperiment məkanında mövcud olan müstəqil teatra həsr olunub. Məhz bu teatr tipi yeni teatr dilinin axtarışı ilə məşğuldur və gələcəyin teatrını formalaşdırır.

O çox vaxt bunu hər şeyə rəğmən, çox vaxt kiminsə dəstəyi ilə deyil, öz entuziazmı ilə edir.

Müasir müstəqil teatr necə sağ qalır, hansı formalarla işləyir və hansı ideyalardan ilhamlanır? Mühazirədə bu suallara cavab axtarlacaq.

Mühazirənin dili: rus dili (Azərbaycan dilinə sinxron tərcümə ilə). Sinxron tərcümə: Tərlan Rəsulov

Qeydiyyat üçün tıklayın

19:00 Pyes oxunuşu

“Müharibə hələ başlamayıb”, dramaturq: Mixail Durnenkov (Helsinki, Finlandiya)

Rejissor: Ruslan İsmayılov.

Rollarda: Fateh, Nigar Mürsəlova və Fəxri Səfərov.

Oxunuşun dili: Azərbaycan dili. Tərcümə: Tərlan Rəsulov.

Yaş həddi: 18+

Müzakirənin moderatoru: Vidadi Qafarov, teatrşünas.

Qeydiyyat üçün tıklayın