Dramaturq İsmayıl İmanın kuratorluğu, Bakı Marionet Teatrının, Teatro.az sənət portalı və Katalizator art-habın dəstəyi ilə keçirilən “Lübimovkanın əks-sədası Bakıda” festivalı yekunlaşmaq üzrədir. Geridə qalan 4 həftə ərzində hər həftənin çərşənbə axşamı Bakı Marionet Teatrında toplaşan festival iştirakçıları 5 pyes oxunuşunu, 2 mühazirə, 2 ustad dərsini izləyə biliblər. Festivalın sonuncu – 5-ci həftəsində saat 17.00-da tədris proqramı çərçivəsində “Azərbaycanda müasir dramaturgiya: o haradadır?” mövzusunda panel müzakirə baş tutacaq. Azərbaycan dilində keçiriləcək panel müzakirədə teatrşünaslar İsrafil İsrafilov, Aydın Talıbzadə, Vidadi Qafarov, Fəridə Cəlilova, Elçin Cəfərov, filoloq Aynurə İbadullah və dramaturq İsmayıl İman iştirak edəcəklər. Müzakirənin moderatoru Vidadi Qafarovdur.

Festivalın sonuncu tədbiri - dramaturq İsmayıl İmanın “Hamar üzündə” pyesinin müəllif oxunuşu isə saat 19.00-da həyata keçəcək. Qeyd edək ki, rus dilində oxunulacaq pyes yenidir və ilk dəfə məhz “Lübimovkanın əks-sədası Bakıda” festivalında səsləndiriləcək. Oxunuşdan sonra teatrşünas Elçin Cəfərovun moderatorluğu ilə müzakirə baş tutacaq.  

Qeydiyyat üçün tıklayın

Qeyd: 4 iyul tarixində baş tutacaq heç bir tədbirdə tərcümə nəzərdə tutulmayıb.

4 iyul 2023, çərşənbə axşamı

17:00 Tədris proqramı

Panel müzakirə: “Azərbaycanda müasir dramaturgiya: o haradadır?”

Müzakirənin dili: Azərbaycan dili

Spikerlər: İsrafil İsrafilov, Aydın Talıbzadə, Vidadi Qafarov, Fəridə Cəlilova, Elçin Cəfərov, Aynurə İbadullah, İsmayıl İman

19:00 Pyes oxunuşu

“Hamar üzündə”, dramaturq: İsmayıl İman (Bakı, Azərbaycan)

Rejissor: İsmayıl İman (müəllif oxunuşu)

Oxunuşun dili: rus dili.

Müzakirənin moderatoru: Elçin Cəfərov, teatrşünas..

Qeydiyyat üçün tıklayın