“Lübimovkanın əks-sədası Bakıda” festivalı davam edir. Festivalın ikinci həftəsində bir mühazirə, bir pyes oxunuşu baş tutacaq.

13 iyun tarixində saat 17.00-da festivalın tədris proqramı çərçivəsində sənətşünaslıq üzrə fəlsəfə doktoru, dosent Elçin Cəfərovun “Teatr dili: tekstdən kontekstə” mövzusunda mühazirəsi keçiriləcək.

Mühazirə haqqında:

Teatrın qeyri-teatra doğru yolunda əsas yol yoldaşı mətn olub. Bəs, çağdaş teatr sənətindən ötrü mətn nədir? Dramaturgiyanın teatr komponentlərinin ierarxiyasında rolu nədir?

Çağdaş teatrın əsas göstəricilərindən biri teatr dilinin tekstdən kontekstə transformasiyası ilə bağlıdır. Əgər ənənəvi teatrın dili, əsasən, tekstə söykənirdisə, qeyri-ənənəvi teatr konteksti tərcih edir. Bu mühazirədə teatr dilinin tekstdən-kontekstə transformasiyası yolununa və bu yolun əsas dayanacaqlarına birlikdə nəzər salacağıq.

Mühazirənin dili: Azərbaycan dili

Mühazirədə qeydiyyat yolu ilə iştirak etmək olar.

Qeydiyyat üçün tıklayın.

Günün digər tədbiri saat 19:00-da baş tutacaq pyes oxunuşudur. Bu dəfə Rusiyalı dramaturq Artyom Materinskinin “Naməlum əsgər” pyesi təqdim ediləcək. Oxunuşun rejissoru Leonid Klyots, aktyorlar Yevgeni Maksimov, Vladimir Həsənov və Rövşən Əsgərovdur. Oxunuş rus dilində olacaq. Tədbirdə 18 yaşdan yuxarı şəxslər iştirak edə bilər.

Oxunuşdan sonra festivalın kuratoru, dramaturq İsmayıl İmanın moderatorluğu ilə müzakirə keçiriləcək.

Oxunuşda qeydiyyat yolu ilə iştirak etmək olar.

Qeydiyyat üçün tıklayın.