Hər il keçirilən “İlk oxu” dramaturgiya müsabiqəsi bu il 7-9 fevral tarixlərində baş tutacaq. 
Münsiflər heyəti keçən il 15 sentyabrdan 15 dekabra qədər 291 pyesdən 16 əsər seçərək qısa siyahıya (şort listə) daxil ediblər. Müsabiqənin şort listi isə 12 yanvarda açıqlanıb.
 Beləliklə, “İlk oxu - 2021” müsabiqəsinin final proqramına aşağıdakı pyeslər daxil edilib:
1.     “69 nömrəli sənəd” E.Roza;
2.    “Tahir və Zöhrə” Z.Abakarova;
3.    “Dülgər” L.Qolovanova;
4.    “OPK” A.Materinskiy;
5.    “Ulduzlar qara dəlikdə” V.Velt;
6.    “Bir zamanlar Moskvanın cənub sahillərində” Y. Boçarova;
7.    “1999 bizim yay” E.Çarukyan;
8.     “Balidən sonra” İ.İman;
9.    “Qara fırtına” A.Bukryev;
Pyeslərin oxunuşu 7-9 fevral tarixlərində “Na Liteynom” teatrında baş tutacaq.
Qeyd edək ki, bu müsabiqədə həmyerlimiz, dramaturq İsmayıl İman “Balidən sonra” pyesi ilə iştirak edir. İ.İman “Lift”, "Sevil", "Limbo", "Astara bağları" kimi pyeslərin müəllifidir. Onun əsərlərinə tez-tez "dOM" interaktiv teatrının repertuarında rast gəlmək mümkündür. İ.İman həmçinin "Mənim balaca şahzadəm" qısametrajlı cizgi filminin ssenari müəllifidir.
“İlk oxu” müsabiqəsi A.M.Volodin adına “Beş axşam” festivalı çərçivəsində keçirilir. “Beş axşam” Aleksandr Volodinin adına Peterburqda ənənəvi keçirilən festivallardan biridir. 
Müsabiqə daxil edilmiş pyeslərin oxu qrafiki yaxın günlərdə veb saytda yayımlanacaq. Daha ətraflı məlumatı isə  “Первой читки” adlı rəsmi facebook  səhifəsindən əldə etmək olar .