Özbəkistanın paytaxtı Daşkənd şəhərində fəaliyyət göstərən Art House Xəmsə teatrı yanvarın 18-də 2025-ci ilin ilk premyerasını tamaşaçılara təqdim edib.Əlamətdardır ki, teatr yeni ildə tamaşaçılarını ilk dəfə azərbaycanlı dramaturq İsmail İmanın “Əziz ata” pyesi əsasında hazırlanan “OTA” (“Ata”) tamaşası ilə salamlayıb.

Əsərin süjeti iki qadının (ana və qız) qarşıdurması və hissləri üzərində qurulub. Atasını erkən itirən qız anası ilə anlaşa bilmir, mərhum atası üçün darıxır, özünü bədbəxt hiss edir. Anası da bədbəxtdir, amma bunu müxtəlif nəmləndirici üz maskaları və bəhanələrləgizlədir. Baş qəhrəman Səidə üçün atası həyatında ən vacib kişidir. O, özünü ata gözü ilə qiymətləndirir, özünü ata sevgisi ilə sevir. Atası tərəfindən döyülən qızın bədbəxt olması əbəs yerə deyil. Səidənin bədbəxtliyi atasını vaxtsız itirməsi ilə başlayır.

Maraqla qarşılanan tamaşanın quruluşçu rejissoru Art House Xəmsə teatrının yaradıcısı Sayfiddin Meliyevdir. Səhnə səsərində rolları İlmira Rəhimcanova və Mohiçehra İslamova ifa edir. Tamaşanın növbəti nümayişi 19 yanvarda baş tutacaq.