Azərbaycan Respublikasının Mədəniyyət Nazirliyi və Teatro.az sənət portalının birgə təşkilatçılığı ilə keçirilən, “Şuşa ili”nə ithaf olunmuş II “4.4 Qısa Tamaşalar Festivalı” (QTF) başa çatıb.
Festivalın son günü münsiflər heyətinin bir gün əvvəl nümayiş olunan A.Şaiq adına Azərbacan Dövlət Kukla Teatrının “Zəfər zəngi”, Salyan Dövlət Kukla Teatrının “Sülh naminə birləşək” və Səhnə Teatrının “Qurd əfsanəsi” tamaşalarının müzakirəsi ilə başlayıb. Müzakirədə Əməkdar incəsənət xadimi, professor İsrafil İsrafilov, Xalq artisti, Türkiyə Çukurova Universiteti Dövlət Konservatoriyasının professoru Cahangir Novruzov, Əməkdar incəsənət xadimi, professor Aydın Talıbzadə, Əməkdar incəsənət xadimi, rejissor Mehriban Ələkbərzadə, Əməkdar incəsənət xadimi, professor Əli Əmirli bu tamaşalar haqqında fikirlərini iştirakçılara çatdırıblar.
Daha sonra Tbilisi Beynəlxalq Teatr Festivalının art direktoru Yekaterina Mazmişvili və Tbilisi Beynəlxalq Teatr Festivalının Beynəxalq proqram üzrə prodüseri Nutsa Burjanadzenin "Festivalın strukturu: çağırışlar, vəzifələr və perspektivlər", K.Marcanişvili adına Tbilisi Dövlət Akademik Teatrının bədii rəhbəri Levan Tsuladzenin “Qafqaz təbaşir dairəsi” mövzularında ustad dərsləri keçirilib.
Günün sonunda Azərbaycan Dövlət Akademik Musiqili Teatrında Festivalın bağlanış və mükafatlandırma mərasimi baş tutub. Festivalın açılışı Azərbaycan Respublikasının Mədəniyyət naziri Anar Kərimovun giriş sözü ilə başlayıb, o, “4.4 qısa tamaşalar festivalı”nın qısa müddət ərzində beynəlxalq səviyyəyə qalxmasından məmnun olduğunu bildirib.
Sonra Festivalın art direktoru, sənətşünaslıq üzrə fəlsəfə doktoru Elçin Cəfərov və münsiflər heyətinin sədri Əməkdar incəsənət xadimi, professor İsrafil İsrafilov Festival haqqında öz fikirlərini bölüşüb, bütün iştirakçılara və bu teatr bayramının ərsəyə gəlməsində əməyi olan hər kəsə öz minnətdarlıqlarını çatdırıblar.
Daha sonra mükafatlandırma mərasimi keçirilib. Münsiflər heyətinin qərari ilə, bu il ilk dəfə təsis edilən “Ən yaxşı aktrisa” nominasiyasının qalibi “İnanıram” tamaşasındakı roluna görə Azərbaycan Dövlət Gənc Tamaşaçılar Teatrının aktrisası Zemfira Əbdülsəmədova, “Münsiflərin rəğbəti” mükafatının qalibi isə “Dərdlərimin çamadanı” tamaşasındakı ifasına görə Gəncə Dövlət Kukla Teatrının aktrisası Zülfiyyə Əliyeva olub. Rejissor İradə Gözəlovanın Azərbaycan Dövlət Müsiqili Teatrında hazırladığı "Anamın kitabı" tamaşası Festivalın xarici qonaqlarının, Beynəlxalq Teatr Tənqidçiləri Birliyi üzvlərinin müsabiqədənkənar proqram üçün təsis etdiyi Xüsusi Diploma layiq görülüb. “Gənc ekspertlərin mükafatı”nın qalibi isə Azərbaycan Dövlət Pantomima Teatrının "Şinel” (rejissoru Ceyhun Dadaşov) tamaşası olub.
Festivalda müsabiqə proqramında nümayiş olunan 12 tamaşa arasında 1-ci yerə Azərbaycan Dövlət Pantomima Teatrının “Şinel” (müəllif Nikolay Qoqol, rejissor Ceyhun Dadaşov), 2-ci yerə Azərbaycan Dövlət Gənc Tamaşaçılar Teatrının “İnanıram” (müəllif Ülviyyə Heydərova, rejissoru Elşad Rəhimzadə), 3-cü yerə Səhnə teatrının “Qurd əfsanəsi” (müəllifi Xaqani Əliyev, rejissor Namiq Ağayev) layiq görülüb. Mükafatçılara kubok, pleket, pul mükafatı və xatirə hədiyyələri verilib.
Qaliblərə mükafatları Azərbaycan Respublikası Mədəniyyət Nazirliyinin "İncəsənət və qeyri-maddi mədəni irs" şöbəsinin müdiri Fərəh Acalova, münsiflər heyətinin üzvləri: Xalq artisti, Türkiyə Çukurova Universiteti Dövlət Konservatoriyasının professoru Cahangir Novruzov, Əməkdar incəsənət xadimi, professor Aydın Talıbzadə, Əməkdar incəsənət xadimi, professor Əli Əmirli, Əməkdar incəsənət xadimi, rejissor Mehriban Ələkbərzadə, həmçinin, Azərbaycan Dövlət Akademik Musiqili Teatrının direktoru, Əməkdar incəsənət xadimi Əliqismət Lalayev, Gənc ekspertlər qrupu adından tələbə-teatrşünas Fatimə Qurbanzadə təqdim ediblər.
Mükafatlandırma mərasimində Azərbaycan Dövlət Akademik Musiqili Teatrı artistlərinin təqdimatında hazırda məşqləri gedən Ü.Hacıbəylinin "Leyli və Məcnun" operasından bir səhnə, balet truppası tərəfindən isə "Azərbaycan rəqsi" ifa olunub.
Sonda isə aparıcısı Zaur Mirzəzadə bütün festivalı iştirakçılarını səhnəyə dəvət edib və xatirə şəkili çəkdirilib.
Müəllifin digər yazıları
Azərbaycan Dövlət Akademik Musiqili Teatrı ilə dünyanın müxtəlif teatrları arasında yaradıcılıq əlaqələri ildən-ilə daha da genişlənir.
Bu dəfə Moskvanın "Pyotr Fomenkonun emalatxanası" teatrı Musiqili Teatrın qonağı...
Tanınmış publisist, tərcüməçi Eldar Quliyev (Eldar Qutlu) ötən gün uzun sürən ağır xəstəlikdən sonra vəfat edib.
Qeyd edək ki, "Kitabi-Dədə Qorqud"un redaktoru kimi tanınan Eldar Quliyev uzun müddət &ldquo...
Zorakılıq və ədəbiyyat
Minillik tarixə sahib olan ədəbiyyat az qala ilk nümunələrindəncə zorakılığı özündə əks etdirdi. Zorakılıq ədəbiyyatın ən çox işlənən mövzularındadır. Çünki zorakılıq insan...
XX əsr başqa müstəvilərdə olduğu kmi teatrda da mürəkkəb bir dövr, ziddiyyətlərin dərinləşdyi bir əsr olmuşdur. Dram sənətindəki fundamental dəyişikliklər, intellektual paradiqmalarda baş verən qırılmalar, siyasi-bədi...
08 aprel 2024-cü il tarixində Azərbaycan Respublikasının Mədəniyyət Nazirliyi və Azərbaycan Teatr Xadimləri İttifaqının birgə təşkilatçılığı ilə həyata keçirilən “QONAQ TEATR” layihəsi çərçivəsində Ağdam D...
...«Məxfi axşam» əsərini yaradarkən Leonardo da Vinçi çox böyük çətinliklə rastlaşmışdı – o, İsa obrazında Xeyiri və onu bu axşam yeməyində satmağa hazırlaşan İuda obrazında Şəri göstərməli idi. B...
Aprelin 1-də Azərbaycanda keçirilən Belarus Mədəniyyət Günləri günləri çərçivəsində Bakıda Nizami Kino Mərkəzində Belarus Kino Günlərinin açılışı olub.
Belarusun Azərbaycandakı səfirliyinin nümayəndə...
“Çat vermiş divarda bitən çiçək,
Səni mən dərirəm o çatlaqlardan.
...
Əməkdar artist Rahib Əliyev vəfat edib.
Bu barədə APA-ya mərhumun oğlu Rəşad Əliyev məlumat verib.
Onun sözlərinə görə, Rahib Əliyevin cənazəsi sabah günorta saat 12-də Qurd qapısı qəbiristanlığında torpağa tapşırılacaq.
...
27 mart 2024-cü il tarixdə Azərbaycan Teatr Xadimləri İttifaqında Beynəlxalq Teatr Günü qeyd edilib.
Görkəmli sənət adamları, ziyalılar, media nümayəndələri və sənətsevərlərin iştirakı ilə keçirilən ...