TEATRO

TEATRO

sənət portalı

post-title

II “4.4 Qısa Tamaşalar Festivalı”: 5-ci günün xronikası

Azərbaycan Respublikasının Mədəniyyət Nazirliyi və Teatro.az sənət portalının birgə təşkilatçılığı ilə keçirilən, “Şuşa ili”nə ithaf olunmuş II “4.4 Qısa Tamaşalar Festivalı” (QTF)  davam edir.

Festivalın beşinci günü ənənəvi olaraq münsiflər heyətinin ötən gün nümayiş olunan tamaşaların müzakirəsi ilə başladı. Əməkdar incəsənət xadimi, professor İsrafil İsrafilov, Xalq artisti, Türkiyə Çukurova Universiteti Dövlət Konservatoriyasının professoru Cahangir Novruzov, Əməkdar incəsənət xadimi, professor Aydın Talıbzadə, Əməkdar incəsənət xadimi, rejissor Mehriban Ələkbərzadə, Əməkdar incəsənət xadimi, professor Əli Əmirli Gəncə Dövlət Kukla Teatrının  “Dərdlərimin çamadanı“  və Cosmo Müstəqil teatrı “Mühacirlər” tamaşaları haqqında fikirlərini iştirakçılara çatdırdılar.

Gün ərzində seyrçilərə müsabiqə proqramı çərçivəsində A.Şaiq adına Azərbacan Dövlət Kukla Teatrının “Zəfər zəngi” (müəllif Zahid Xəlil, rejissor Qurban Məsimov), Salyan Dövlət Kukla Teatrının “Sülh naminə birləşək” (müəllif və rejissor Laləzər Hüseynova), Azərbaycan Dövlət Akademik Milli Dram Teatrında Səhnə Teatrının ”Qurd əfsanəsi” (müəllifi Xaqani Əliyev, rejissoru Namiq Ağayev) tamaşaları təqdim edildi. Festival iştirakçıları həmçinin, müsabiqədənkənar proqram çərçivəsində S.Vurğun adına Azərbaycan Dövlət Akademik Rus Dram Teatrının  “Mən, sən, o və telefon...” (müəllif Anar, rejissor Ərşad Ələkbərov) və Azərbaycan Dövlət Akademik Musiqili Teatrında K.Marcanişvili adına Tbilisi Dövlət Akademik Teatrının “Kreyser sonatası” (müəllif Lev Tolstoy, rejissorlar Levan Tsuladze, Temo Kuprava) tamaşalarını seyr etdilər.

Load Time (S) : 0.005685