Helen MİRREN

Teatr, kino və televiziya aktrisası

Helen Mirren səhnə və televiziya fəaliyyətində parlaq və rəngarəng ifası ilə bir çox önəmli mükafatlar qazanmış, dünyada ən tanınan və nüfuzlu aktrisalardan biridir. 2007-ci ildə “Kraliça” filmindəki roluna görə “Ən yaxşı aktrisa” nominasiyasında Oskar müfakatına layiq görülmüşdür.

“Bu il canlı tamaşa nümayişləri və artistlər üçün çox çətin dövr oldu, texniki işçilər və səhnə ustaları artıq qeyri-sabitliklə dolu bir peşə sahəsində mübarizə apardılar.

Yəqin ki, daima qeyri-sabit vəziyyətlə üzləşməkləri onlara bu pandemiya dövründən də alnı açıq, üzü ağ çıxmağa kömək etdi.

Onların təxəyyülü artıq bu yeni şəraitdə, əlbəttə ki, internet sayəsində ünsiyyət qurmaq üçün yaradıcı, əyləncəli və çevik üsullara keçməyə zəmin yaratdı.

Yer üzündə peyda olandan bəri insanlar bir-birilərinə əhvalatlar danışıblar. Biz bu dünyada olduğumuz müddət ərzində gözəl teatr mədəniyyəti yaşayacaq.

Dramaturqların, rəssamların, rəqqasların, müğənnilərin, aktyorların, musiqiçilərin, rejissorların yaradıcılıq şövqü heç vaxt boğulmayacaq və çox yaxın gələcəkdə yeni enerji və hamımızın birgə yaşadığı bu dünyanın yeni anlamı ilə inkişaf edəcəklər!

Səbrsizliklə gözləyirəm!”

Ötən illərin Beynəlxalq Teatr Günü ilə bağlı müraciətləri:

Karlos Seldranın Beynəlxalq Teatr Günü ilə bağlı müraciəti (2019)

Şahid Nadimin Beynəlxalq Teatr Günü ilə bağlı müraciəti (2020)

Tərcümə edən: Emin Əliyev

Reklam