22 iyul 2024-cü il tarixində Azərbaycan Teatr Xadimləri İttifaqının XV Konfransı keçirilib.

Konfransda 75 nümayəndədən 67 nəfər iştirak edib. Nümayəndələrin yekdil qərarı ilə Azərbaycan Respublilasının Əməkdar artisti Azad Şükürov iclasın sədri seçilib.

Konfransda Teatr Xadimləri İttifaqı sədrinin hesabat mərusəzi, daha sonra Təftiş və Mandat komissiyalarının hesabatları dinlənilib. Konfrans iştirakçılarının yekdil qərarı ilə hesabatlar qənaətbəxş hesab olunub.

Çıxış edənlər - Məryəm Əlizadə, Mərahim Fərzəlibəyov, Sabir Məmmədov, Ağalar İdrisoğlu, Şövqi Hüseynov, Larisa Tarusova, Rəhman Rəhmanov, İntiqam Soltan İttifaqın son 5 illik fəaliyyətini müsbət qiymətləndiriblər.

Fasilədən sonra çıxışlar davam etdirilib. Sonra İttifaqa növbəti 5 il üçün Sədr seçkisi keçirilib. İttifaq üzvlərinin yekdil qərarı ilə Azərbaycann Respublikasının Xalq artisti, Dövlət mükafatı laureatı Hacı İsmayılov İttifaqın sədri seçilib. Yeni seçilən sədr ona göstərilən etimada görə Konfrans nümayəndələrinə təşəkkürünü bildirib və İttifaqın İdarə heyətinin yeni tərkibini təklif edib.

Səsvermə nəticəsində Xalq artisi İlham Namiq Kamal (sədr müavini), Əməkdar artist Azad Şükürov (sədr müavini), Xalq artistləri Cənnət Səlimova, Siyavuş Kərimi, Mərahim Fərzəlibəyov, Azər Zeynalov və Əməkdar mədəniyyət işçisi İlham Əsgərov AzTXİ-nın İdarə heyətinə üzv seçiliblər.