TEATRO

TEATRO

sənət portalı

post-title

Gəncə Dövlət Kukla Teatrı Beynəlxalq Festivalda

Gəncə Dövlət Kukla Teatrı  Estoniyanın Vilyandi şəhərində keçirilən “Teatr çamadanda” 24-cü Beynəlxalq Kukla tamaşaları festivalında iştirak edib. Pandemiya dövrünün tələblərinə uyğun şəkildə keçirilən Festival 16-19 sentyabr tarixində baş tutub.

Latviya, Litva, Moldova, Ukrayna, Estoniya kimi ölkələrin iştirak etdiyi festivala Gəncə Dövlət Kukla Teatrı Azərbaycan Respublikası Mədəniyyət Nazirliyinin dəstəyi ilə qatılıb. Festivalın ilk günü təntənəli açılış mərasiminin iştirakçısı olan Teatr sentyabrın 17-də Hans Xristian Andersenin “Düyməcik” nağılı əsasında hazırladığı tamaşanı seyrçilərə təqdim edib. Estoniyalı tamaşaçıların maraqla izlədiyi tamaşasının quruluşçu rejissoru Şamil Məmmədli, kuklaçı rəssamı Təranə Cəfərova, dekorator rəssamı Sara Məmmədovadır. Rolları Azərbaycanın Fəxri Mədəniyyət işçiləri Səməd Xanəhmədov, Nahidə Namazova və gənc aktirisa Nərmin Şərifova ifa ediblər.

Tamaşadan sonra festivalın sədri Altmar Loris səhnəyə çıxaraq Gəncə Dövlət Kukla Teatrının yaradıcı heyətinə festivalın diplom və kubokunu təqdim edib. Kollektivə təbriklərini çatdıran A.Loris pandemiyanın yaratdığı çətinliklərə və uzunmüddətli fasilyə baxmayaraq Gəncə Dövlət Kukla Teatrının festivalda iştirakına şərait yaratdığına görə Azərbaycan Respublikasının Mədəniyyət Nazirliyinə öz minnətdarlığını bildirib.

Leyla Hüseynzadə