Bakı Şəhər Mədəniyyət Baş İdarəsinin Bakı Uşaq və Gənclər Teatrı monotamaşalar festivalı ilə karantin günlərindən sonra tamaşaçıların görüşünə gələcək. Ənənəsinə sadiq qalaraq festival keçirən teatrın yaradıcı heyəti, “Bir teatr-bir festival” layihəsi çərçivəsində sayca dördüncü festivalını keçirmiş olacaq.
“Bizim teatr - Monotamaşalar” adlandırılan festivalın karantin müddəti bitdikdən sonra keçirilməsi nəzərdə tutulur. Festivalın devizinin “Evdə qal, amma teatrsız qalma” olduğunu bildirən Əməkdar artist İntiqam Soltan artıq festivala qatılmaq istəyən teatrların olduğunu da bildirib: “Hazırda festivala qatılmaq istəyən teatrların qeydiyyatı başlayıb. Belə ki, bizim teatrın yaradıcı heyəti ilə birlikdə Azərbaycan Dövlət Sumqayıt Dram teatrı bir neçə tamaşası ilə çıxış edəcək. Qazax Dövlət Dram Teatrı festivalda iştirak edəcəyi tamaşanı da göndərib. Ümumilikdə festivalda 29 tamaşa nümayiş olunacaq”.
Teatrın direktoru qeyd edir ki, festivalın keçirilməsində məqsəd hər bir aktyora öz bacarıqlarını nümayiş etdirmək üçün şərait yaratmaq və onlara meydan verməkdir: “Bizim əsas məqsədimiz teatr bayramı keçirməkdir. Bu festivalı keçirməklə Azərbaycanda festival ənənəsinin genişlənməsinə vasitəçi olmuş oluruq. Aktyor evdə boş qalmamalıdır. Aktyorların öz üzərində işləməsi, formadan düşməməsi, teatrların canlanması üçün belə bir festivalın keçirilməsinə ehtiyac var. Aktyor idmançı kimi bir varlıqdır. İdmançı 2 ay məşq etməsə, onu arenaya buraxmaq mümkün deyil. Aktyor da məşq etməsə, səhnəyə çıxa bilməz. Karantin günlərindən sonra keçirəcəyimiz festivalda mümkün olsa, Teatr Xadimlər İttifaqının da iştirakını gösləyirik. Belə ki, əgər tamaşaçı problemi olmayacaqsa və dünyada yayılan koronavirusa görə kütlənin toplaşmaq problemi olmayacaqsa, festivalı Aktyor evində keçirməyi düşünürük. Əgər belə bir problem yaransa o zaman festivalı onlayn şəkildə keçirməyi düşünürük. Hesab edirəm ki, bu festivalın keçirilməsi bizim teatr üçün mütləqdir. Məlumat üçün bildirim ki, siz məni də bu festivalda aktyor kimi görə biləcəksiniz. Mən C.Məmmədquluzadənin “İranda hürriyət” əsəri əsasında hazırlanmış tamaşa ilə çıxış edəcəm”.
İntiqam Soltan münsiflər heyətinə gəldikdə isə bildirdi ki, festivalın münsif qismində tanınmış sənətçilər və dövlət rəsmiləri olacaq.
Söhbət əsnasında aydın oldu ki, hazırda Bakı Uşaq və Gənclər Teatrında çalışan hər aktyor monotamaşalar festivalı üçün öz tamaşasını hazırlayır. Festivalda iştirak üçün janr məhdudiyyəti qoyulmayıb və aktyorlar dünya klassiklərindən tutmuş müasir Azərbaycan ədəbiyyatına qədər müxtəlif əsərlərə müraciət ediblər. Festivala yalnız birinci mərhələdən (daxili baxışdan) keçən tamaşalar buraxılacaq.
Qeyd edək ki, bu layihə çərçivəsində Bakı Uşaq və Gənclər Teatrı tərəfindən 2014-cü il mart ayında "Bizim teatr - 1", 2015-ci il mart ayında "Bizim teatr-2", 2019-cu il aprel ayında isə "Nəsimi ili, Nəsimi dili" festivalı keçirilib.
"Kaspi" qəzeti "Teatr" əlavəsi
Yazardan aid digər yazılar
Azərbaycan Respublikasının Mədəniyyət Nazirliyi və Azərbaycan Teatr Xadimləti İttifaqının təşkilatçılığı ilə "QONAQ TEATR" layihəsi çərçivəsində növbəti iştirakçı qardaş Türkiyədən olacaq. Antalya...
Akademik Milli Dram Teatrı IX Sankt-Peterburq Beynəlxalq Mədəniyyət Forumunda təmsil olunub. Forumda 73 ölkədən nümayəndə heyəti, eləcə də 30 ölkənin mədəniyyət nazirləri iştirak edib.
Forum çərçivəsində teatr sə...
Bu günlərdə başa çatan I TÜRKSOY Beynəlxalq Teatr Festivalı həm türkdilli ölkələrin müasir teatr prosesini və ona inteqrasiyasını müəyyənləşdirmək, həm də beynəlxalq teatr ictimaiyyətində əməkdaşlıq &u...
Tezliklə Azərbaycan Dövlət Akademik Musiqili Teatrında Türk dünyasının tanınmış yazıçı-dramaturqu Tuncer Çüçenoğlunun "Matroşka" pyesi əsasında "Qadınım" tamaşasının premyerası olacaq.
M...
Noyabrın 16-da Sankt-Peterburqda IX Sankt-Peterburq Beynəlxalq Mədəniyyət Forumunun açılışı olub.
Forumda 73 ölkədən nümayəndə heyəti, eləcə də 30 ölkənin mədəniyyət nazirləri iştirak edir.
Noyabrın 18-dək dava...
Azərbaycan Respublikasının Mədəniyyət Nazirliyi və Azərbaycan Teatr Xadimləti İttifaqının təşkilatçılığı ilə "QONAQ TEATR" layihəsinin növbəti iştirakçısı Naxçıvan Dövlət Milli Dram Teatrı olacaq. Teatrın koll...
Akademik Milli Dram Teatrının laboratoriyasının “Son xətt” tamaşası təqdim olunub.
Tamaşanın nümayişindən əvvəl teatrın bədii rəhbəri, Əməkdar incəsənət xadimi Mehriban Ələkbərzadə çıxış edib. O, 8 Noyabr – Zəfər G&u...
Bakı Uşaq və Gənclər Teatrı Şanlı Qələbəmizin üçüncü ildönümü münasibətilə 1-3 noyabr tarixlərində “Bir teatr-bir festival” layihəsi çərçivəsində “3+3=7” festivalını ke&c...
Azərbaycan Dövlət Akademik Musiqili Teatrı ilə Səmərqənd Vilayət Musiqili Dram Teatrı arasında Əməkdaşlıq Memorandumu imzalanıb.
Hər iki teatrın rəhbəri – Əməkdar incəsənət xadimi, fəlsəfə doktoru Əliqismət Lalayev və Özbəkistanın ...
Azərbaycanda CHARACTERS Müasir Dramaturgiya Festivalı keçirilir. İsveçrə İnkişaf və Əməkdaşlıq Təşkilatının dəstəyi ilə, dramaturq İsmayıl İmanın təşkilatçılığı və kuratorluğu ilə həyata keçirilən layihənin tərəfdaşla...