8,9, 16 aprel tarixində “1 Səhnə” prodüser mərkəzinin nəzdində yaradılan "Səhnə" teatrında R.İbrahimbəyovun "Şirəbənzər" əsəri əsasında hazırlanan eyniadlı tamaşanın premyerası keçirilib.  "Ev teatrı" üslubunda hazırlanmış tamaşanın  prodüseri Elçin Hacı, quruluşçu rejissoru Elvin Mirzəyev, bəstəkarı Vüqar Məmmədzadə və səs operatoru Nicat Cəbrayılovdur.

Əsər bir-birinə qovuşmaq istəyən  Rəna və Muradın sevgisindən bəhs edib.

Tamaşada teatrın gənc aktyorları Mirzə Səfərov, Nazlı Quliyeva, Kənan Balakişiyev, Rəhimə Abdinova, Məleykə Cəfərova, Elçin Əmirov, Rəvan Hüseynzadə və Elvin Abbasov çıxış edib.

Səhnə əsərinin növbəti nümayişi 22,29 aprel tarixində baş tutacaq.

Tamaşanın xronometrajı 1 saat 20 dəqiqədir.
 

Xəbəri hazırladı Vüsalə İbrahimli