TEATRO

TEATRO

sənət portalı

post-title

“Dünya və Teatr Qodonu gözlərkən” adlı beynəlxalq teatr konfransı keçirilib

Azərbaycan Dövlət Mədəniyyət və İncəsənət Universitetinin 100 illik yubileyi münasibəti ilə “ADMİU 99+” layihəsi çərçivəsində “Dünya və teatr Qodonu gözlərkən” adlı beynəlxalq elmi konfrans keçirilib. 22 noyabr 2022- ci il tarixində baş tutan konfransda ADMİU-nun professor və müəllim heyəti ilə yanaşı, Başqırdıstanın Zaqir İsmaqilov adına Dövlət İncəsənət İnstitutunun İncəsənətin tarix və nəzəriyyəsi kafedrasının müəllimi İrina Şamsutdinova da online şəkildə iştirak edib.

Azərbaycan Dövlət Mədəniyyət və İncəsənət Universitetinin rektoru, professor Ceyran Mahmudovanın giriş sözündən sonra Sənətşünaslıq üzrə fəlsəfə doktoru, dosent Fəridə Cəlilovanın moderatorluğu ilə məruzəçilərə söz verilib. Əməkdar İncəsənət xadimi, professor Məryəm Əlizadə “Qodonun oxşarları” Azərbaycan teatr məkanında", Əməkdar İncəsənət xadimi, professor İsrafil İsrafilov “Müasir teatr mozaikası haqqında bəzi qeydlər”, Əməkdar İncəsənət xadimi, professor Kamilə Dadaşzadə  “Aydın Talıbzadənin “Ramana” romanı: diskursiv təhlilin işığında”, Əməkdar İncəsənət xadimi, professor Aydın Talıbzadə “Metakainat metateatr kimi: Oksimoron əyləncə tipi”,  Z.İsmaqilov adına Ufa Dovlət İncəsənət İnstitutunun İncəsənətin tarixi və nəzəriyyəsi kafedrasının müəllimi  İrina Şamsutdinova “Gənc ürəklər pyesinin M.Qafuri adına Başqurt Dram Teatrında müasir səhnə oxunuşu”, Sənətşünaslıq üzrə fəlsəfə doktoru, dosent Fəridə Cəlilova “Realizmin böhranı incəsənətin böhranı qismində”, Fəlsəfə üzrə fəlsəfə doktoru, dosent Tamilla Əhmədova “Yohan Heyzinqanın oyun konsepsiyasında teatr sənətinin təbiətinin qavrayışı”, Sənətşünaslıq üzrə fəlsəfə doktoru, dosent Vidadi Qafarov “Gözləməkliyin fenomenologiyası” , Sənətşünaslıq üzrə fəlsəfə doktoru, Əməkdar mədəniyyət işçisi İftixar Piriyev “Absurd teatrı-həyatımızın güzgüsü kimi”, ADMİU-nun Teatrşünaslıq kafedrasının müəlllimləri Tərlan Rəsulov “"Burada və indi" prinsipi: canlı teatrı gözləyərkən” , Aliyə Dadaşova “Teatr Qodonu gözlərkən: seyrçi olmağın iztirabları”, Aygün Süleymanova “Qəhrəman axtarışında olan Azərbaycan teatrı  Qodo intizarında” adlı məruzələri ilə çıxış ediblər.

Tədbirin yekununda isə belə beynəlxalq elmi konfransların keçirilməsinin vacibliyi və Azərbaycan teatrının dünya teatrı ilə əlaqələrinin inkişafının nə dərəcədə əhəmiyyətli olması vurğulanıb. Və "Qodo"nun bir gün mütləq gələcəyinə olan inamdan bəhs edilib.

Load Time (S) : 0.000625