TEATRO

TEATRO

sənət portalı

post-title

DOST Mərkəzindəki "Təklif"

İnklüziv İnkişaf və Yaradıcılıq Mərkəzində məşhur rus dramaturqu A.P.Çexovun "Təklif" adlı pyesi əsasında hazırlanmış eyniadlı tamaşanın premyerası olub.

Mərkəzin mətbuat xidmətindən aldığımız məlumata görə, premyera iyul ayının 26-sı baş tutub.

Mərkəzin səhnə ifaçılığı üzrə təlimçisi, rejissor Əbdülqəni Əliyevin hazırladığı tamaşada, meşşan cəmiyyətinin problemləri əks olunur. 

Tamaşanın bəstəkarı əməkdar artist Vüqar Camalzadə, baş xoreoqrafı xalq artisti Rüfət Xəlilzadə, bal rəqsləri üzrə xoreoqrafı isə Fərid Mehdiyevdir.

Səhnə əsərinin baş rollarından yeddisini əlilliyi olan şəxslər ifa ediblər. Tamaşanın məqsədi, istedada malik əlilliyi olan və olmayan şəxslərin incəsənətdə inklüziv şəraitdə birgə fəaliyyətini təmin etmək, onların sosial və ictimai rifahını yüksəltmək, həmçinin, cəmiyyətə “əlilliyin qüsur olmadığı” mesajını verməkdir.