Bu gün, Milli Teatr Günündə CHARACTERS Müasir Dramaturgiya Festivalının qaliblərini elan edirik.

1-ci yer — Şəbnəm Xeyrulla “Arqon”

2-ci yer — Jalə İsmayıl “Göyərçin dimdiyində bir qəfəs küçə”

3-cü yer — Hacı Səfərov “Aysu və başqası”

Qalib gələn pyeslərin və daha üç müsabiqədənkənar pyesin oxunuşları 13, 14 və 15 mart 2024-cü il tarixlərində Azərbaycan Dövlət Mahnı Teatrının səhnəsində keçiriləcək. Hər oxunuşdan sonra pyesin müzakirəsi nəzərdə tutulur.

Birinci yerə layiq görülmüş Şəbnəm Xeyrullanın “Arqon” pyesinin növbəti mövsümdə Azərbaycan Dövlət Yuğ Teatrında tamaşaya qoyulması planlaşdırılır.

Qaliblər siyahısından iki pyes təcrübəli dramaturqlar tərəfindən yazılmış (Jalə İsmayıl, Şəbnəm Xeyrulla), kinotənqidçi Hacı Səfərov üçün isə “Aysu və başqası” pyesi debüt əsəri olmuşdur.

Qalib gələn pyeslər forma və mövzu baxımından fərqlənsə də, onları məhvetmə motivi birləşdirir. Bu motivi həm fiziki, həm də şəxsi təcəssümdə insanın yox olmasında (“Arqon”), köhnə məhəllənin və adi həyat tərzinin dağılmasında (“Göyərçin dimdiyində bir qəfəs küçə”), bir ailənin və bütövlükdə ailə institutunun məhvində (“Aysu və başqası”) izləmək olar.

Ümid edirik ki, cəmiyyətimiz üçün aktual olan problemləri qaldıran yeni dramaturgiya Azərbaycan teatrına yeni nəfəs verən pyeslər təqdim edə biləcək.

İndi teatrımızın bu çağırışa cavab verməsi vacibdir. Bunun üçün ilk addım atılıb.