Teatro

yüklənir...

TEATRO

TEATRO

sənət portalı

post-title

Cəfər Namiq Kamalın 70 illik yubileyinə həsr olunan kitab çap edilib

Xalq artisti Cəfər Namiq Kamalın 70 illiyinə həsr olunmuş “Tale yazısı” kitabı işıq üzü görüb. Teatrşünas və dramaturq Çingiz Ələsgərlinin müəllifi olduğu kitabda C.N.Kamalın Azərbaycan Dövlət Gənc Tamaşaçılar və Azərbaycan Dövlət Akademik Milli Dram Teatrının hər birində əsrin dörddə biri qədər davam etmiş maraqlı və zəngin yaradıcılığı ətraflı  şəkildə araşdırılıb.

Kitabda müxtəlif başlıqlar altında aktyorun bu gün də uğurla davam edən geniş fəaliyyəti,  yaratdığı və ya müxtəlif səbəblərdən oynamadığı obrazlar barəsində düşüncələri, arzuları, başına gələn məzəli hadisələr, haqqında müxtəlif qəzetlərdə çap olunmuş yazılardan parçalar, fotolar və xatirələr toplanıb.

Kitabın sonunda, “Cəfər Namiq haqqında deyilənlər” bölümündə sənətkarın qardaşı, Xalq artisti İlham Namiq Kamalın, Xalq yazıçısı Elçinin, Xalq artisti Ramiz Həsənoğlunun, Xalq artisti Bəsti Cəfərovanın, rejissor Şərif Qurbanəliyevin, dramaturq Əhməd Orucoğlunun aktyor haqqında fikir və arzuları yer alıb.

Nəşrin redaktoru ssenarist və dramaturq Əhməd Orucoğlu, naşiri Akif Dənzizadədir.

Çingiz Ələsgərlinin “Tale yazısı” kitabının təqdimat mərasimi 17 yanvar 2022- ci il saat 12-00-da Bakı Kitab Mərkəzində (Üzeyir Hacıbəyov-14) keçiriləcəkdir.