Teatro

yüklənir...

TEATRO

TEATRO

sənət portalı

post-title

Berliner Ansambl ənənəvi tamaşaya hazırlaşır

Almaniyanın Berliner Ansambl teatrı ənənəvi fəaliyyətini bərpa etməyə hazırlaşır. Bu barədə, teatrın saytında yerləşdirilən məlumatda Berliner Ansamblın bədii rəhbəri Oliver Reese bildirib. Onun məlumatına görə, uzun müddətli hazırlıqdan sonra, teatr nəhayət, martın 19-da “Berlin pilotu” adlı layihə ilə qapılarını tamaşaçıların üzünə açmağa hazır olacaq. Teatrın açılış günündə məşhur alman yazıçısı Benjamin von Stuckrad-Barrenin “Həyəcanlı ürək” əsəri əsasında hazırlanmış eyniadlı tamaşanın nümayişi planlaşdırılır. Senatın nəzarət etdiyi Mədəniyyət və Avropa Departamentinin, həmçinin digər yeddi qurumun əməkdaşlığı ilə planlaşdırılan bu layihədə, tamaşaçıların iştirakı ilə keçirilən tədbirlərin maddi-texniki tərəfləri araşdırılacaq. Layihənin əsas məqsədi, teatrın ənənəvi fəaliyyətinin uzunmüddətli olmasını təmin etmək və tamaşadan sonra baş verə biləcək hadisələrin bütün mümkün senarilərini obyektiv olaraq dəyərləndirməkdir.

“Nəhayət, gələn həftədən etibarən yenidən tamaşaçılar qarşısında canlı oynaya biləcəyimizə görə çox xoşbəxtəm! Bu, bizim beş ay ərzində ilk real performansımız olacaq! Əminəm ki, sosial məsafəyə riayət etmək və digər gigiyena qaydalarını gözləməklə həyata keçiriləcək bu layihə yaxın gələcəkdə teatrın fəaliyyətini ənənəvi qaydada davam etdirməsi yolunda böyük bir addıma çevriləcək. Düşünürəm ki, bu lahiyə sayəsində, mövcud hadisələrdən asılı olmayaraq, tamaşaçılarımızın yenidən teatra gəlişini bərpa edəcək və onların estetik zövqünü təmin edə biləcəyik. Lakin bizim üçün də aydındır ki, mədəniyyətin davamlı formada inkişafı üçün təhlükəsizlik tədbirlərinə riayət etməliyik. Ona görə də indiki məqamda, bizim üçün ən vacib məsələ, layihələrimizin sürətli şəkildə sınaqdan keçməsidir”, - deyə, Oliver Reese bildirib.

Tərcümə etdi: Cavanşir Qasımov