Azərbaycanlı teatrşünas beynəlxalq konfransda çıxış edib
Tarix: 2020-07-17 01:42:19
Oxunma: 845
Yazı ölçüsü
Şota Rustaveli adına Gürcüstan Teatr və Kino Universitetinin təşkilatçılığı ilə "İncəsənət və müasirlik" mövzusunda İncəsənət Tədqiqatçılarının XIII Beynəlxalq Elmi Konfransı keçirilib. A.Kutateladze adına Tbilisi Dövlət İncəsənət Akademiyası və V.Saracişvili adına Tbilisi Dövlət Konservatoriyasının dəstəyi ilə baş tutan konfrans virtual məkanda geniş əks-səda doğurub. Tbilisidə keçirilməsi planlaşdırılan konfrans Covid-19 pandemiyası ilə əlaqədar, onlayn şəkildə - Google Hangout Meet platforması vasitəsilə baş tutub. Gürcüstan, Almaniya, Polşa, Litva, Bolqarıstan, Rumıniya, Qazaxıstan, Ukrayna, Belarusdan teatr mütəxəssislərinin qatıldığı tədbirdə ölkəmizi Teatro.az sənət portalının həmtəsisçisi və şef-redaktoru, Azərbaycan Dövlət Mədəniyyət və İncəsənət Universitetinin Teatrşünaslıq kafedrasının müəllimi, sənətşünaslıq üzrə fəlsəfə doktoru Elçin Cəfərov təmsil edib. Azərbaycanlı teatrşünasın “XX əsrin teatrı. Teatrdan qeyri-teatra doğru” adlı məruzəsi maraqla qarşılanıb və geniş diskussiyaya səbəb olub.
Məruzədə deyilir: “Klassik teatr düşüncəsi ilə XX əsrin avanqard teatrının müqayisəsi göstərir ki, ötən əsrdə teatr sənətinə əvvəlki dövrlərdən prinsipial fərqlənən tamamilə yeni konseptual yanaşma formalaşıb. Mətnə yeni münasibət, narrativlikdən imtina, “müəllifin ölümü” (R.Bart), dramaturqun müəllif mövqeyinin zəifləməsi, rejissorun tamaşanın müəllifinə çevrilməsi, aktyorun marionet (kukla), ötürücü kimi qavranılması, interaktivlik, açıq sistem tələbi, irrasionallığa meyl, gözlənilməz janr sintezi və s. bu konseptual yanaşmanın əsas səciyyələrindəndir. Bir sözlə, XX əsrin teatrı təpədən-dırnağa yeni teatr idi. Hətta təbiri caizsə, bu teatr, klassik mənada, teatrın özünə qiyam idi, ironiya idi, antiteatr idi. Əsrlər boyu mövcud olmuş, formalaşaraq möhkəmlənmiş, qəlibləşmiş, alternativ tanımayan teatr təfəkkürü təftiş olunur, rədd edilir, yenisi ilə əvəzlənir, tədricən teatrdan qeyri-teatra doğru yol qət olunurdu. Bu yolun sonu haqqında heç nə deyə bilməyəcəyik. Çünki teatrdan qeyri-teatra doğru yolun bir ucu da XXI əsrə, bu günümüzə gəlib çıxır.
XX əsrin teatr sənətinin ən başlıca xüsusiyyətini belə konstatasiya etmək olar:
XX əsrin teatrı müasir qala bilmək üçün teatrallıqdan uzaqlaşdı, teatrallıqla açıq mübarizəyə girişdi. Teatr olmaqdan imtina edərək, qeyri-teatra çevrildi”.
Azərbaycan Dövlət Akademik Musiqili Teatrı ilə dünyanın müxtəlif teatrları arasında yaradıcılıq əlaqələri ildən-ilə daha da genişlənir.
Bu dəfə Moskvanın "Pyotr Fomenkonun emalatxanası" teatrı Musiqili Teatrın qonağı...
Tanınmış publisist, tərcüməçi Eldar Quliyev (Eldar Qutlu) ötən gün uzun sürən ağır xəstəlikdən sonra vəfat edib.
Qeyd edək ki, "Kitabi-Dədə Qorqud"un redaktoru kimi tanınan Eldar Quliyev uzun müddət &ldquo...
Zorakılıq və ədəbiyyat
Minillik tarixə sahib olan ədəbiyyat az qala ilk nümunələrindəncə zorakılığı özündə əks etdirdi. Zorakılıq ədəbiyyatın ən çox işlənən mövzularındadır. Çünki zorakılıq insan...
XX əsr başqa müstəvilərdə olduğu kmi teatrda da mürəkkəb bir dövr, ziddiyyətlərin dərinləşdyi bir əsr olmuşdur. Dram sənətindəki fundamental dəyişikliklər, intellektual paradiqmalarda baş verən qırılmalar, siyasi-bədi...
08 aprel 2024-cü il tarixində Azərbaycan Respublikasının Mədəniyyət Nazirliyi və Azərbaycan Teatr Xadimləri İttifaqının birgə təşkilatçılığı ilə həyata keçirilən “QONAQ TEATR” layihəsi çərçivəsində Ağdam D...
...«Məxfi axşam» əsərini yaradarkən Leonardo da Vinçi çox böyük çətinliklə rastlaşmışdı – o, İsa obrazında Xeyiri və onu bu axşam yeməyində satmağa hazırlaşan İuda obrazında Şəri göstərməli idi. B...
Aprelin 1-də Azərbaycanda keçirilən Belarus Mədəniyyət Günləri günləri çərçivəsində Bakıda Nizami Kino Mərkəzində Belarus Kino Günlərinin açılışı olub.
Belarusun Azərbaycandakı səfirliyinin nümayəndə...
Əməkdar artist Rahib Əliyev vəfat edib.
Bu barədə APA-ya mərhumun oğlu Rəşad Əliyev məlumat verib.
Onun sözlərinə görə, Rahib Əliyevin cənazəsi sabah günorta saat 12-də Qurd qapısı qəbiristanlığında torpağa tapşırılacaq.
...
27 mart 2024-cü il tarixdə Azərbaycan Teatr Xadimləri İttifaqında Beynəlxalq Teatr Günü qeyd edilib.
Görkəmli sənət adamları, ziyalılar, media nümayəndələri və sənətsevərlərin iştirakı ilə keçirilən ...