9, 11 və 12 noyabr tarixlərində saat 19:00-da "Azərbaycanda sənətçi olmaq nə deməkdir?" tamaşası Salaam Cinema yaradıcılıq mərkəzində yenidən nümayiş olunacaq.

Müəllifi Zərif Bəkirova, quruluşçu rejissoru Aynur Zərrintac olan tamaşa sənədli müsahibələr, media məlumatları əsasında hazırlanmışdır. Canlı kamera və proyeksiyaların vasitəsilə nümayiş olunan səhnə əsərinin texniki vizual həlli Ritual Mobil Teatr Laboratoriyasının motion dizayneri Fuad Məmmədova, musiqi tərtibatı isə ROUSTAMa məxsusdur. Rollarda Əbdül Rzayev, Əsmər Gəncəliyeva, Elnur Rza, Nərminə Fətullayeva, Ramazan Babayev, Xumar Kərimli, Zərif Bəkirova çıxış edir. Layihənin kuratoru David Xorbaladzedir. Tamaşa Open Space | Vizual və Performans İncəsənət Mərkəzi (Tbilisi), Cənubi Qafqaz Sənədli Teatrlar Şəbəkəsi çərçivəsində  yerli əməkdaş Ritual Mobil Teatr Laboratoriyası ilə birgə hazırlanıb.

"Ətrafda tez-tez  eşidirik ki, Azərbaycanda incəsənət inkişaf etmir, yaxşı filmlərin, musiqilərin, tamaşaların çoxu Sovet vaxtı çəkilib. Sənətlə məşğul olan adamlara münasibət isə birmənalı deyil. Bu niyə baş verir? Yaxud insanlar niyə belə düşünürlər?  Müasir sənətçilərin çətinlikləri nələrdir?  Azərbaycanda incəsənətin ümumi vəziyyəti necədir? Gəlin, bu sənədli tamaşa  vasitəsi ilə bir yerdə bu suallara cavab tapmağa çalışaq." - deyə müəlliflər qeyd edir. 

Biletləri iticket.az saytından əldə edə bilərsiniz.