Bir neçə müddətdir ki, karantin müddətinin davam etməsi bütün sənət sahələrinə eləcə də, teatra öz təsirini göstərib. Lakin buna baxmayaraq Azərbaycan Dövlət teatrlarının bir neçəsi öz fəaliyyətini virtual formada davam etdirməyə, durğunluq yaşamamağa çalışırlar.
Gənc Tamaşaçılar Teatrının baş rejissoru, Əməkdar İncəsənət xadimi Bəhram Osmanov İsmayıl İmanın "Balaca yaramaz məxluq" pyesi əsasında hazırlanan eyniadlı tamaşanın onlayn məşqini edib. Belə ki, tamaşanın quruluşuna karantin günlərindən əvvəl başlanılmışdı. Hazırda isə onlayn ünsiyyətlə tamaşa üzərində iş davam edir.
Qeyd edək ki, tamaşanın quruluşçu rəssamı Mustafa Mustafayev, musiqi tərtibatçısı Şamxal Novruzludur. Tamaşada əsas rolları Əməkdar artistlər Nəsibə Eldarova, Gülər Nəbiyeva, İlham Əsədov, aktyorlar Elşən Hacıbabayev, Vahid Orucoğlu, Yasəmən Məmmədova, İlahə Əmirxanova, Araz Pirimov canlandıracaqlar.
Teatrın mətbuat xidmətinin məlumatına görə karantin günlərində teatrın əməkdaşları müxtəlif virtual proqramların vasitəsiylə ünsiyyət qurur yaradıcılıq müzakirələri keçirirlər.
Sumqayıt Dövlət Dram Teatrında isə 20 aprel tarixində xüsusi rejimli karantin günləri ilə bağlı kollektivin fəaliyyətinə həsr olunmuş videokonfrans keçirilib. Bu günlərdə teatr əməkdaşlarının fəaliyyətinin ev şəraitinə uyğun tənzimləməsi kimi mühüm məsələlər videokonfransın əsas mövzusu olub. Sahə və xidmət rəhbərlərinin qatıldığı online iclasda dünyanı cənginə almış koronavirus pondemiyası (COVİD-19) təhlükəsinə qarşı Azərbaycan dövlətinin operativ şəkildə qabaqlayıcı tədbirlər görməsi, sosial izolyasiya çərçivəsində “Evdə qal, sağlam ol” kampaniyasının uğurla aparılması diqqətə çatdırılıb. Teatrın direktoru Əməkdar artist Mübariz Həmidov sənət ocaqlarının onlayn çıxışlarının müsbət rezonans doğurduğunu söyləyib. Əməkdar artist bildirib ki, müasir texnoloji vasitələrin yaratdığı geniş imkanlardan bəhrələnərək, biz də özümüzün virtual repertuar planımızı qurmuşuq. “Sosial şəbəkələr üzərindən doğma tamaşaçılarımıza xidmət göstəririk. Karantin günlərinin ilk iki həftəsində tamaşalarımızın izlənmə sayı 10 tamaşa üçün 7258-dir”.
Xüsusi karantin günlərində Azərbaycan Dövlət Akademik Musiqili Teatrının kollektivinin də ev şəraitində ümumi fəaliyyətinin tənzimlənməsinin təşkili və bu qəbildən olan həlli vacib digər məsələlərin müzakirələrinə həsr edilmiş videokonfrans keçirilib.
Sahə rəhbərlərinin də iştirak etdiyi konfransda çıxış edən Teatrın direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev ölkəmizdə koronavirus (COVİD-19) infeksiyasının qarşısının alınması məqsədilə dövlət tərəfindən tətbiq edilən sosial izolyasiya tədbirləri ilə əlaqədar son günlərdə teatrın gördüyü işlərdən, "Evdə qal, sağlam qal" kampaniyası çərçivəsində təqdim olunan yeni-yeni layihələrdən danışıb.
O, Mədəniyyət Naziri Əbülfəs Qarayevin mövcud vəziyyətlə əlaqədar teatrların fəaliyyətinə həsr olunmuş onlayn toplantısında səsləndirdiyi tələb və tövsiyələri, eyni zamanda digər önəmli məsələləri konfrans iştirakçılarının diqqətinə çatdırıb. Akademik Musiqili Teatrın öz fəaliyyətini Azərbaycan Respublikası Nazirlər Kabinetinin müvafiq qərarları və Nazirlər Kabineti yanında Operativ Qərargahın müəyyənləşdirdiyi qaydalara uyğun davam etdirdiyini bildirən Ə.Lalayev yaşı 65-dən yuxarı və qayğıya ehtiyacı olan teatr əməkdaşlarının problemləri ilə daha yaxından və mütamadi şəkildə maraqlandığını, eyni zamanda bu problemlərin həll edildiyini nəzərə çatdırıb. Teatrın günün tələblərinə uyğun müasir texnoloji vasitələrdən və beynəlxalq təcrübədən yararlanaraq, fəaliyyətini virtual qaydada davam etdirməsi, sosial şəbəkələr üzərindən teatrın repertuarında olan tamaşaların onlayn nümayişinin yüksək səviyyədə təşkil edilməsi barəsində məlumat verən direktor əməkdaşları yaranmış fasilədən səmərəli istifadə etməyə, yaradıcılıq axtarışlarının aparılması, yeni ideyalar üzərində düşünməyə, gələcəkdə teatrın fəaliyyətinin inkişafını daha da yaxşı təmin etmək üçün təkliflər hazırlamağa çağırıb.
Müəllifin digər yazıları
Qorxu bəşər övladı üçün qəliblər yaradan ən güclü fenomendir. İnsan əvvəlcə öz varlığının səbəbini axtarır, tapa bilmədikdə, bununla barışmır və sadəcə gözləyir. Bəzilərimiz qəflət yuxusunda ikən dünya &...
Azərbaycan Dövlət Akademik Musiqili Teatrı ilə dünyanın müxtəlif teatrları arasında yaradıcılıq əlaqələri ildən-ilə daha da genişlənir.
Bu dəfə Moskvanın "Pyotr Fomenkonun emalatxanası" teatrı Musiqili Teatrın qonağı...
Tanınmış publisist, tərcüməçi Eldar Quliyev (Eldar Qutlu) ötən gün uzun sürən ağır xəstəlikdən sonra vəfat edib.
Qeyd edək ki, "Kitabi-Dədə Qorqud"un redaktoru kimi tanınan Eldar Quliyev uzun müddət &ldquo...
Zorakılıq və ədəbiyyat
Minillik tarixə sahib olan ədəbiyyat az qala ilk nümunələrindəncə zorakılığı özündə əks etdirdi. Zorakılıq ədəbiyyatın ən çox işlənən mövzularındadır. Çünki zorakılıq insan...
XX əsr başqa müstəvilərdə olduğu kmi teatrda da mürəkkəb bir dövr, ziddiyyətlərin dərinləşdyi bir əsr olmuşdur. Dram sənətindəki fundamental dəyişikliklər, intellektual paradiqmalarda baş verən qırılmalar, siyasi-bədi...
08 aprel 2024-cü il tarixində Azərbaycan Respublikasının Mədəniyyət Nazirliyi və Azərbaycan Teatr Xadimləri İttifaqının birgə təşkilatçılığı ilə həyata keçirilən “QONAQ TEATR” layihəsi çərçivəsində Ağdam D...
...«Məxfi axşam» əsərini yaradarkən Leonardo da Vinçi çox böyük çətinliklə rastlaşmışdı – o, İsa obrazında Xeyiri və onu bu axşam yeməyində satmağa hazırlaşan İuda obrazında Şəri göstərməli idi. B...
Aprelin 1-də Azərbaycanda keçirilən Belarus Mədəniyyət Günləri günləri çərçivəsində Bakıda Nizami Kino Mərkəzində Belarus Kino Günlərinin açılışı olub.
Belarusun Azərbaycandakı səfirliyinin nümayəndə...
“Çat vermiş divarda bitən çiçək,
Səni mən dərirəm o çatlaqlardan.
...
Əməkdar artist Rahib Əliyev vəfat edib.
Bu barədə APA-ya mərhumun oğlu Rəşad Əliyev məlumat verib.
Onun sözlərinə görə, Rahib Əliyevin cənazəsi sabah günorta saat 12-də Qurd qapısı qəbiristanlığında torpağa tapşırılacaq.
...