“Azərbaycan mədəniyyəti kontekstində Sabit Rəhman mətnlərinin semantikası”

mövzusunda Respublika elmi-praktiki konfransı haqqında

E L A N

Azərbaycan Dövlət Mədəniyyət və İncəsənət Universiteti 4 mart 2021-ci il tarixində “Azərbaycan mədəniyyəti kontekstində Sabit Rəhman mətnlərinin semantikası” mövzusunda Respublika elmi-praktiki konfransı keçirməyi planlaşdırır.

 Görkəmli yazıçı, dramaturq, senarist, tərçüməçi kimi dəyərli əsərlər yaratmış Sabit Rəhman  XX əsr Azərbaycan ədəbiyyatının, həmçinin dramaturgiyasının, teatr və kino sənətinin inkişafında böyük xidmətlər göstərmişdir.

Konfransın məqsədi milli mədəniyyət tariximizdə xüsusi yeri olan ədibin çoxşaxəli yaradıcılığını bir daha, fərqli baxış bucağından tədqiqat müstəvisinə çəkmək, mətnlərinin semantikasını araşdırmaq, Azərbaycan mədəniyyətində Sabit Rəhman fenomenini şərtləndirən amilləri müəyyən etməkdir. 

Bunu nəzərə alaraq, Sabit Rəhman yaradıcılığı ilə məşğul olan ədəbiyyatşünasları, kulturoloqları, incəsənət xadimlərini, sənətşünas alim və mütəxəssisləri, doktorant, dissertant və magistrantları konfransda iştiraka dəvət edirik.

Arzu edənlər iştiraketmə ərizəsini (Forma 1 doldurmaqla) və məruzəni (Forma 2-yə uyğun tərtib etməklə) elektron formada 20 fevral 2021-ci il tarixindən gec olmayaraq, aşağıdakı e-mail ünvanına göndərməklə konfransa qatıla bilərlər: sabitrahmankonfrans@gmail.com

Əlaqə telefonu: (050 344 70 88 (koordinator: Vidadi Qafarov); 077 295 15 00 (koordinator: Elçin Cəfərov). 

Təşkilat komitəsi konfransın mövzu dairəsinə uyğun gəlməyən və tələblərə cavab verməyən materialları dərc etməmək hüququnu özündə saxlayır. Məruzənin qəbulu barədə məlumat 28.02.2021-ci il tarixinədək müəllifə ərizədə göstərdiyi ünvan vasitəsilə çatdırılacaq.

Qəbul edilmiş məruzələrin konfransdan sonra toplu halında nəşr edilməsi nəzərdə tutulur. 

Konfrans haqqında elanın elektron formatı ilə Azərbaycan Dövlət Mədəniyyət və İncəsənət Universitetinin http://admiu.edu.az/ və konfransın informasiya dəstəkçisi http://www.teatro.az  saytlarında tanış olmaq olar.