TEATRO

TEATRO

sənət portalı

post-title

Azərbaycan Dövlət Akademik Musiqili Teatrı “Xocalıya ədalət!” kampaniyasında

 Mədəniyyət Nazirliyinin Xocalı soyqırımının 29-cu ildönümünə həsr etdiyi tədbirlər planına əsasən Azərbaycan Dövlət Akademik Musiqili Teatrı faciə qurbanlarının əziz xatirəsinə ithaf olunan qısametrajlı filmlərlə “Xocalıya ədalət!” Beynəlxalq  kampaniyasına qoşulublar.

Teatrın direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayevin bədii rəhbərliyi ilə hazırlanan layihə çərçivəsində çəkilmiş Samir Qulamovun "Əsirlikdən qayıdan lampa", Cavid İmamverdiyevin "Xocalıya ədalət", Anar Babalının "Məktub yetişdi", Ərtoğrul Kamalovun "Xocalı" qısametrajlı filmlərinin qayəsi mənfur düşmənlərin Xocalıda törətdikləri vəhşilikləri bir daha geniş kütləyə çatdırmaq olsa da, onlar bu dəfə mövzuya qalib xalqın nümayəndələri kimi yanaşıblar. 

“Əsirlikdən qayıdan lampa” filmində qalib əsgərin illər sonra işğaldan azad olmuş Xocalı torpağında öz doğma evinə qovuşması səhnəsi göstərilir. Vaxtı ilə yaşadığı evlərindən tapdığı lampa onun itirilmiş illərini bir bir göz qırpımında geri qaytarır,  xatirələrini oyadır... 

“Xocalıya ədalət!” qısametrajlı filmində faciə qurbanlarının əziz xatirəsi “Ana harayı” abidəsi önündə anılır. Anma mərasimində iştirak edən bütün insanların qəlbindən sanki bu sözlər, bu nidalar keçir: “Ruhunuz şad olsun, əzizlərimiz!  Qanınız yerdə qalmadı, qisasınız alındı!”

“Məktub yetişdi” qısametrajlı filmində bir məktəblinin ordumuzun əsgərinə ünvanladığı məktubdan bəhs edilir. Qələbə ruhlu müzəffər əsgər cavab məktubunda uşağın arzu və istəklərini yerinə yetirdiyini bildirərək onun körpə qəlbini sevindirir. Filmdə əsgər rolunu 2-ci Qarabağ müharibəsinin iştirakçısı olmuş Əliqulu Hüseynov canlandırıb.

 “Xocalı” filmində də ötən illərin ağrı-acısı xatırlanır, Ali Baş Komandanın əmri, şanlı ordumuzun dəmir yumruğu ilə 44 günlük şanlı zəfər tariximizi əks etdirən qürurverici kadrlara xüsusi yer verilir.

Teatrın aktyorları – Mehriban Zaliyeva, Ruslan Mürsəlov, Nicat Əli, Güldanə Əzimova, Şaban Cəfərov, Hidayət Əliyev, balet artisti İnarə Kərimova və başqalarının iştirakı ilə çəkilən videoroliklərdə 1992-ci il fevralın 25-dən 26-na keçən gecə ermənilərin törətdikləri dəhşətləri əks etdirən dəqiq  statistik  məlumatlar da yer alıb.

Akademik Musiqili Teatrının Xocalı faciəsinin 29-cu ildönümü ilə əlaqədar hazırladığı bu filmlər fevralın 24-dən etibarən sosial şəbəkələrdə nümayiş olunacaq.

 

 

 

 

 

 

Load Time (S) : 0.000243