Oktyabrın 29-da Azərbaycan Dövlət Akademik Milli Dram Teatrına dövlət statusu verilməsinin 100 illiyi münasibətilə təntənəli tədbir keçirilib. Tədbirdə dövlət və hökumət rəsmiləri, ictimaiyyət nümayəndələri, mədəniyyət xadimləri iştirak ediblər.
Əvvəlcə qonaqlar teatrın foyesində sənət ocağının 100 illiyinə həsr edilmiş fotosərgi ilə tanış olub və görkəmli aktyorlarımızın tarixi rolları canlandırarkən istifadə etdikləri geyimlərə baxıblar.
Təntənəli yubiley gecəsi Mədəniyyət Nazirliyinin, Azərbaycan Teatr Xadimləri İttifaqının və Akademik Milli Dram Teatrının təşkilatçılığı, Azərbaycan Dövlət Teatr Muzeyinin dəstəyi ilə reallaşıb.
Qonaqları salamlayan Akademik Milli Dram Teatrının bədii rəhbər-direktoru, Xalq artisti, professor Azər Paşa Nemətov teatrın tarixinə nəzər salıb, görülən işlərdən və əldə olunan uğurlardan söz açıb.
Teatrın kollektivini təbrik edən Mədəniyyət naziri Əbülfəs Qarayev Azərbaycan teatr sənətinin qədim və zəngin tarixi yol keçdiyini, ötən 147 illik zaman kəsiyində cəmiyyətin mənəviyyatının mənbəyi rolunu oynadığını bildirib.
O, sonra Azərbaycan Respublikası Prezidentinin Azərbaycan Dövlət Akademik Milli Dram Teatrının 100 illik yubileyi münasibətilə teatr əməkdaşlarının təltif edilməsi haqqında sərəncamlarını oxuyub.
Gecədə teatrın sənət yolu, burada fəaliyyət göstərən dramaturqlar, rejissorlar, rəssamlar, bəstəkarlar və korifey aktyorlar haqqında videoçarxlar nümayiş olunub.
Dünya teatr xadimləri və rejissorlarından – Gürcüstan Teatr Xadimləri Cəmiyyətinin sədri Georgi Qeqeçkori və Lado Mesxişvili adına Kutaisi Dövlət Peşəkar Dram Teatrının bədii rəhbəri Konstantin Abaşidze, Beynəlxalq Çexov Teatr Festivalının baş direktoru, Beynəlxalq Teatr İttifaqları Konfederasiyasının sədri Valeri Şadrin, Şota Rustaveli adına Gürcüstan Dövlət Akademik Teatrının bədii rəhbəri, SSRİ Xalq artisti Robert Sturua və başqaları çıxışlarında teatrın kollektivini təbrik ediblər.
Gecədə Bolqarıstan Milli Teatrının direktoru Marius Donkinin, Rusiya Federasiyası Teatr Xadimləri İttifaqının sədri Aleksandr Kalyaginin, Aleksandrinski Teatrının bədii rəhbəri Valeri Fokinin, Moskva Satira Teatrının bədii rəhbəri Aleksandr Şirvintin, Sankt-Peterburq Malıy Dram Teatrının bədii rəhbəri və direktoru Lev Dodinin təbrikləri səsləndirilib.
Mərasimdə, eyni zamanda, teatrın 100 illik yubileyinə həsr olunan “Akademik Milli Dram Teatrı – 100” kitab-albomu təqdim edilib.
Gecə musiqili proqramla davam edib.
Oxşar yazılar
Azərbaycan Dövlət Mədəniyyət və İncəsənət Universitetində tanınmış aktyor və rejissor Azərbaycan Respublikasının Xalq artisti, Türkiyənin Adana Çukurova Universiteti Dövlət Konservatoriyasının professoru Cahangir Novruzovla görüş keçirilib. Tədb...
Gəncliyinin ən gözəl çağını yaşayır. Yoxdan nələrsə var etməyə can atır. Bunun üçün əlindən gələni, hətta gəlməyəni də etməyə səy göstərir. Arzularına, hədəflərinə addım-addım yaxınlaşır. Bu, asan olmasa da, hədəfindən vaz keçmir. Hər dəfəsində müxtə...
Uğurları ilə dünyanı gəzən rejissor
Sankt-Peterburq şəhərində keçirilən “Məktəb. Studiya. Emalatxana” festivalı çərçivəsində Azərbaycanlı dramaturq İsmayıl İmanın yazdığı “Astara bağları&rdqu...
Salam, Azərbaycan!Müstəqil Azərbaycanın sərhədlərinə Ermənistan ordusunun riyakar hücumunun və müharibənin yaşatdığı emosional sarsıntılar məni bir bolqarıstanlı kimi, insan və teatr xadimi kimi vətəndaş mövqeyimi ortaya qoymağa sövq edir və mən Azər...
“Rəqəmsal sənət nədir?” – sualına mütəxəssislər çox sadə cavab verirlər: Rəqəmsal sənət rəqəmsal dövrün yaratdığı sənətdir.
Buna rəssamlıqda video-installyasiyalar, musiqidə elektronik musiqi, əd...
1-9 mart 2019–cu il tarixlərdə Azərbaycan Teatr Xadimləri İttifaqının Azərbaycan Respublikası Mədəniyyət Nazirliyi ilə birlikdə təşkil etdiyi “Boş məkanın dolğunluğu-2” Eksperimental tamaşalar festivalı keçirilib. Festivalın ...
Pandemiya ilə əlaqədar fəaliyyətini müvəqqəti dayandırsa da, YUĞ Dövlət Teatrı tamaşaların internet resursları vasitəsilə yayımını davam etdirir. Elan edilmiş virtual repertuara əsasən, iyun ayının 25-də saat 19.00-da teatrın son işlərindən olan “Mən...
Noyabrın 18-dən 23-dək İstanbuldakı Beynəlxalq İncəsənət festivalı çərçivəsində Millətlər Teatrı, Yevgeni Vaxtanqov adına Teatr və “Balet Moskva” teatrı öz tamaşalarını göstərəcək. İstanbuldakı Beynəlxalq İncəsənət festivalının 2019-cu il proqra...
Şota Rustaveli adına Gürcüstan Teatr və Kino Universitetinin təşkilatçılığı ilə "İncəsənət və müasirlik" mövzusunda İncəsənət Tədqiqatçılarının XIII Beynəlxalq Elmi Konfransı keçirilib. A.Kutateladze adına Tbilisi Dövlət İncəsənət Akademiyası və V.Sa...
Onu pantomimçi kimi tanıyırdım. Daha sonra teatrlarda hazırlanan tamaşaların afişalarında plastik həll üzrə rejissor kimi görməyə başladım. Hansı teatra gedirdimsə, qarşıma yenə də o çıxırdı. Hətta yaradıcı kadrlar yetişdirən ...