Avropa Azərbaycan Məktəbinin səhnəsində Sofoklun “Antiqona” faciəsi oynanılıb. Məktəbin dram müəlliməsi Sara Kərimlinin quruluşçu rejissoru və səhnəqrafiya müəllifi olduğu tamaşa 40 dəqiqəlik kompozisiya formasında təqdim edilib. Antik Yunan faciəsində rolları 10-cu sinif şagirdləri Fərəh Hacızadə (Antiqona), Liyana Yaqudayeva (İsmena), Almara Alışova (Kreont), Fəxri Malikov (Hemon), Fərid Qəhrəmanlı (Terensi və Əsgər), Dəniz Məmmədova, Turan Həsənli, Cavid Məmmədli (dövlət rəsmiləri), Nəriman Məmmədov (Bələdçi) və Nərgiz Əliyava (Uşaq) ifa ediblər. İngilis dilində oynanılan tamaşa qapalı formada yalnız 40 nəfərdən ibarət dəvətli qonaq və valideynlərə göstərilib.
Tamaşadan öncə rejissor-müəllimə Sara Kərimli əsərin hazırlanma prosesindən söhbət açıb. Qeyd edib ki, “Antiqona” tamaşasının məşqlərinə 2020-ci ilin fevral ayında başlansa da pandemiya ilə əlaqədar layihəyə bir neçə dəfə fasilə verilib. Buna baxmayaraq, məşqlər “zoom” platforması vasitəsi ilə mütəmadi davam etdirilib. Bu ilin ayrel ayından isə karantin qaydalarına uyğun olaraq, sosial distansiyanın və qoruyucu vəsaitlərin təmin olunması ilə məşqlər yenidən məktəbin səhnəsində bərpa edilib və hazırlıqlar başa çatdırılıb.
Daha sonra Avropa Azərbaycan Məktəbinin direktoru Françesko Bankini Beynəlxalq Bakalavriat Təşkilatının təhsil proqramını tətbiq edən ingilis dilli məktəbin tarixində ilk dəfə olaraq bütöv bir tamaşanın hazırlanmasının əhəmiyyətindən, gələcəkdə belə layihələrin həyata keçirilməsinin vacibliyindən danışıb, tamaşanın ərsəyə gəlməsində böyük zəhmət çəkən kollektiv haqqında qısa məlumat verərək, onlara öz təşəkkürünü bildirib.
Xatırladaq ki, Antik yunan dramaturgiyasının ən parlaq nümunələrindən olan Sofoklun “Antiqona” faciəsi qardaşının cəsədini layiqli formada basdırmaq üçün mübarizə aparan gənc bir qadın qəhrəmanın hekayəsindən bəhs edir. Əsərdə hadisələr mənəvi dəyərləri üstün tutan Antiqona ilə kəskin siyasi ideyalara bağlı Kreont obrazlarının ətrafında baş verir.
Müəllifin digər yazıları
Qorxu bəşər övladı üçün qəliblər yaradan ən güclü fenomendir. İnsan əvvəlcə öz varlığının səbəbini axtarır, tapa bilmədikdə, bununla barışmır və sadəcə gözləyir. Bəzilərimiz qəflət yuxusunda ikən dünya &...
Azərbaycan Dövlət Akademik Musiqili Teatrı ilə dünyanın müxtəlif teatrları arasında yaradıcılıq əlaqələri ildən-ilə daha da genişlənir.
Bu dəfə Moskvanın "Pyotr Fomenkonun emalatxanası" teatrı Musiqili Teatrın qonağı...
Tanınmış publisist, tərcüməçi Eldar Quliyev (Eldar Qutlu) ötən gün uzun sürən ağır xəstəlikdən sonra vəfat edib.
Qeyd edək ki, "Kitabi-Dədə Qorqud"un redaktoru kimi tanınan Eldar Quliyev uzun müddət &ldquo...
Zorakılıq və ədəbiyyat
Minillik tarixə sahib olan ədəbiyyat az qala ilk nümunələrindəncə zorakılığı özündə əks etdirdi. Zorakılıq ədəbiyyatın ən çox işlənən mövzularındadır. Çünki zorakılıq insan...
XX əsr başqa müstəvilərdə olduğu kmi teatrda da mürəkkəb bir dövr, ziddiyyətlərin dərinləşdyi bir əsr olmuşdur. Dram sənətindəki fundamental dəyişikliklər, intellektual paradiqmalarda baş verən qırılmalar, siyasi-bədi...
08 aprel 2024-cü il tarixində Azərbaycan Respublikasının Mədəniyyət Nazirliyi və Azərbaycan Teatr Xadimləri İttifaqının birgə təşkilatçılığı ilə həyata keçirilən “QONAQ TEATR” layihəsi çərçivəsində Ağdam D...
...«Məxfi axşam» əsərini yaradarkən Leonardo da Vinçi çox böyük çətinliklə rastlaşmışdı – o, İsa obrazında Xeyiri və onu bu axşam yeməyində satmağa hazırlaşan İuda obrazında Şəri göstərməli idi. B...
Aprelin 1-də Azərbaycanda keçirilən Belarus Mədəniyyət Günləri günləri çərçivəsində Bakıda Nizami Kino Mərkəzində Belarus Kino Günlərinin açılışı olub.
Belarusun Azərbaycandakı səfirliyinin nümayəndə...
“Çat vermiş divarda bitən çiçək,
Səni mən dərirəm o çatlaqlardan.
...
Əməkdar artist Rahib Əliyev vəfat edib.
Bu barədə APA-ya mərhumun oğlu Rəşad Əliyev məlumat verib.
Onun sözlərinə görə, Rahib Əliyevin cənazəsi sabah günorta saat 12-də Qurd qapısı qəbiristanlığında torpağa tapşırılacaq.
...