TEATRO

TEATRO

sənət portalı

post-title

Antalya Böyük Şəhər Bələdiyyəsi Şəhər Teatrı – 40

        4 dekabr 2023-cü il tarixində Azərbaycan Respublikasının Mədəniyyət Nazirliyi və Azərbaycan Teatr Xadimləti İttifaqının təşkilatçılığı ilə "QONAQ TEATR" layihəsi çərçivəsində Antalya Böyük Şəhər Bələdiyyəsi Şəhər Teatrı Pərvin Ünalpın "Gecikənlər" ("Gec kalanlar") tamaşasını Bakı tamaşaçılarına təqdim etdi. Tamaşanın quruluşçu rejissoru Azərbaycan Respublikasının Əməkdar artisti Nofəl Vəliyevdir. Tamaşa Antalya Böyük Şəhər Bələdiyyəsi Şəhər Teatrının 40 illik yubileyi münasibəti ilə göstərildi.

Böyük maraq və alqışlarla qarşılanan tamaşadan sonra Antalya Böyükşəhər Bələdiyyəsi Şəhər Teatrı Türkiyə-Azərbaycan mədəni əlaqələrinin inkişafındakı xidmətlərinə görə və yaranmasının 40 illik yubileyi münasibəti ilə Azərbaycan Teatr Xadimləri İttifaqının Fəxri fərmanı ilə mükafatlandırıldı, həmçinin teatrın yaradıcı heyətinin nümayəndələri – Mehmet Özgür, Hasibe Aygül Özgür, Sencan Köymen, Safinaz Özgür, Anıl Şereflioğlu, Selim Turgay Deli, Seyfi Albayrak və Azərbaycan Respublikasının Əməkdar artisti Nofəl Vəliyev fəxri fərmanla təltif olundular.

Aida Qafarova
        Azərbaycan TXİ-nin məsul katibi

Load Time (S) : 0.000271