Fransız teatr və kino rejissoru, teatr naturalizminin nümayəndələrindən biri, “Azad teatr”ın yaradıcısı Andre Antuan 1858-1943-cü illərdə yaşayıb.
Gənc yaşlarından teatrla maraqlanan Andre, Komedi Fransezde statist (kütləvi səhnələrdə çıxış edən aktyor) vəzifəsində çalışıb. O, burada müəyyən təcrübə toplayıb, Sara Bernar, Müne Sülli kimi aktyorlarla tanış olub. Andre Jimnaz-de-la-Pard özəl teatr məktəbinə qəbul olunaraq, burada aktyor kimi debüt edib. 1885-ci ildə Qal dərnəyinin üzvləri ilə tanış olub. Kraus atanın rəhbərlik etdiyi dərnəkdə bir müddət aktyor kimi çalışan Andre sonralar dərnəyin rəhbəri olub.
Andre Antuanın ən böyük xidmətlərindən biri “Azad teatr” hesab olunur. O, 1887-ci ildə Parisdə “Azad teatr” (Libre teatre) adlı eksperimental teatr yaradıb. Teatrın açılışı 30 mart tarixində Monmartedəki Elize-de-boz keçidində “Jak D`amur”, “Madmazel Pomm”, “Suprefekt”, “Kokarda” adlı 4 birpərdəli pyes əsasında hazırlanan tamaşayla baş tutub. Teatr sonralar Göte küçəsində, daha sonra Strazburq bulvarında fəaliyyət göstərib.
Teatr həvəskarlar dərnəyindən yaradılmışdı və aktyorların əksəriyyəti qeyri-peşəkarlar idi. Elə A.Antuanın özü də Qaz Cəmiyyətində məmur işəyirdi və teatr sənəti ilə həvəskar kimi məşğul olurdu.
Andre ilk dəfə teatr təcrübəsinə abunə sistemini daxil edib. “Azad teatr” ayda 1 dəfə, 1890-cı ildən sonra isə ayda 2 dəfə abunəçilərin toplanması ilə fəaliyyət göstərirdi. Onlar üçün qapalı tamaşalar təşkil olunurdu. Bu teatrı kommersiya xarakterindən uzaqlaşdırıb və kütləvi auditoriyadan azad edib. Bir çox mənbələrdə bu teatr Avropada ilk qeyri-kommersiya teatrı hesab olunur. Azad teatrda hazırlanan ən uğurlu tamaşalar “Zülmətin hakimiyyəti” (1888, L.Tolstoy), “Ruhlar” (1890, H.İbsen), “Vəhşi ördək” (1891, H.İbsen), “Müftəxor” (1890, Turgenev), “Toxucular” (1893, Hauptman) idi.
Andre Antuan naturalizmin tərəfdarı idi və öz teatr təcrübəsində E.Zolyanın ideyalarını, nəzəriyyələrini, islahat arzularını həyata keçirməyə çalışırdı. O, müasir Fransa dramaturgiyasının saxtalığına ölkənin mənəvi və sosial yaşamından təcrid olunmasına qarşı çıxır və hesab edirdi ki, yeni dramaturgiyaya və gerçəkliyi tam elmi obyektivliklə əks etdirən gənc dramaturqların əsərlərinə, yeni teatra ehtiyac var. Antuan bəyan edirdi ki, “Azad teatr” özünü hər hansı bədii cərəyanla məhdudlaşdırmayacaq və bütün teatr məktəblərini qəbul etməyə çalşacaq. Sənətə münsibətdə “liberal eklektizm” mövqeyində qərarlaşması ona estetik baxımdan bir-birindən koordinal şəkildə fərqlənən pyesləri tamaşaya qoymağa imkan verirdi. Onun teatrıın repertuarına Zolya, Mopassan, Qonkur qardaşları kimi müəlliflər daxil idi. “Azad teatrın” ilk addımları “Medan axşamları” toplusunu dərc etdirən “medançılar”la, naturalist yazıçılarla bağlı idi. Onlar pyesin sənədliliyi tələbənii irəli sürür və həyat hadisələrinin bütün təfərrüatlarını fiksə etməyi lazım bilirdilər. Onların əsərlərində “gerçəkliyin bir parçası” götürülür və təcrid olunmuş şəkildə təqdim olunurdu. Bu cür pyeslər həyati faktların fotoqrafik dəqiqliyi ilə seçilirdi.
Antuanın məşhurlaşdırdığı dramaturqlar sırasında fransız yazıçısı və dramaturqu Fransua-de-Kürelin də adını çəkmək lazımdır. Onu Fransanın İbseni adlandırırdılar. Ejen Brienin pyeslərini də ilk dəfə Antuan tamaşaya qoyub. Onun “Blanşet” əsərinin tamaşası Azad teatrın həyatında mühüm hadisə hesab olunur. “Blanşet” əsəri bir kəndlinin qızı ilə söhbəti əsasında qurulub. Müəllif burjua şəhərini insan əxlaqının pozulmasında günahlandırır. “Zülmətin hakimiyyəti” əsəri əsasında hazırlanan tamaşa da “Azad teatr”ın tarixində mühüm mərhələ hesab olunur. Rusiyada qadağan olunmuş əsər məxsusi olaraq “Azad teatr” üçün fransız dilinə tərcümə olunub.
Andre Antuan 1894-cü ilə qədər Azad teatra rəhbərlik edib. Bu müddət ərzində teatrda 67-si yeni pyes olmaqla, cəmi 124 əsər tamaşaya qoyulub. Antuan özü 83 tamaşada aktyor kimi səhnəyə çıxıb. A.Antuan teatrı tərk etdikdən sonra 1896-cı ilə kimi teatra Laruşel başçılıq edib. Cəmi 9 il fəaliyyət göstərməsinə baxmayaraq, “Azad teatr” Fransanın teatr həyatında mühüm rol oynayıb. Çox keçmədən bu teatr modeli digər Avropa ölkələrinə də yayılıb və Fransa, Almaniya, İngiltərədə də bu tipli teatrlar yaranıb.
1897-ci ildə “Antuan teatrı”nı yaradıb. “Antuan teatrı” tamaşaçılar tərəfindən sevilir və böyük qazanc gətirir. Buna görə də Andre Antuan öz vəzifəsini Firmen Jemyeyə təhvil verərək teatrdan uzaqlaşır, bildirir ki, “bu qədər gəlir olan yerdə sənət ola bilməz”.
Yeni reformalar axtarışında olan Antuan “Odeon” teatrından gələn direktor vəzifəsi təklifini qəbul edir. Rejissor burada O. de Balzakın, Alfons Dodenin, Jül Renarın romanlarını səhnələşdirib. Ancaq onun bu teatrındakı fəliyyəti ürəyincə olmur. Navator fəaliyyətinin genişlənməsini arzulayan Antuan Odeondakı bəzi məhdudiyyətlərə görə istəyinə çata bilmir. Tezliklə teatrdan ümumiyyətlə uzaqlaşır və 1914-cü ildən etibarən nəzəriyyə ilə məşğul olmağa başlayır. I Cahan Savaşından sonra Avropanın bəzi şəhərlərində və Amerikada teatr sənəti ilə bağlı mühazirələr deyir. Andre Antuan “dördüncü divar” anlayışını teatr terminologiyasına və praktikasına gətirən rejissordur. O, tamaşaçılarla aktyorlar arasında “xəyali divar” qoyur, ifaçıları jest və mimikaların izafi ekspressiyasından azad olmağa çağırırdı.
Müəllifin digər yazıları
Qorxu bəşər övladı üçün qəliblər yaradan ən güclü fenomendir. İnsan əvvəlcə öz varlığının səbəbini axtarır, tapa bilmədikdə, bununla barışmır və sadəcə gözləyir. Bəzilərimiz qəflət yuxusunda ikən dünya &...
Azərbaycan Dövlət Akademik Musiqili Teatrı ilə dünyanın müxtəlif teatrları arasında yaradıcılıq əlaqələri ildən-ilə daha da genişlənir.
Bu dəfə Moskvanın "Pyotr Fomenkonun emalatxanası" teatrı Musiqili Teatrın qonağı...
Tanınmış publisist, tərcüməçi Eldar Quliyev (Eldar Qutlu) ötən gün uzun sürən ağır xəstəlikdən sonra vəfat edib.
Qeyd edək ki, "Kitabi-Dədə Qorqud"un redaktoru kimi tanınan Eldar Quliyev uzun müddət &ldquo...
Zorakılıq və ədəbiyyat
Minillik tarixə sahib olan ədəbiyyat az qala ilk nümunələrindəncə zorakılığı özündə əks etdirdi. Zorakılıq ədəbiyyatın ən çox işlənən mövzularındadır. Çünki zorakılıq insan...
XX əsr başqa müstəvilərdə olduğu kmi teatrda da mürəkkəb bir dövr, ziddiyyətlərin dərinləşdyi bir əsr olmuşdur. Dram sənətindəki fundamental dəyişikliklər, intellektual paradiqmalarda baş verən qırılmalar, siyasi-bədi...
08 aprel 2024-cü il tarixində Azərbaycan Respublikasının Mədəniyyət Nazirliyi və Azərbaycan Teatr Xadimləri İttifaqının birgə təşkilatçılığı ilə həyata keçirilən “QONAQ TEATR” layihəsi çərçivəsində Ağdam D...
...«Məxfi axşam» əsərini yaradarkən Leonardo da Vinçi çox böyük çətinliklə rastlaşmışdı – o, İsa obrazında Xeyiri və onu bu axşam yeməyində satmağa hazırlaşan İuda obrazında Şəri göstərməli idi. B...
Aprelin 1-də Azərbaycanda keçirilən Belarus Mədəniyyət Günləri günləri çərçivəsində Bakıda Nizami Kino Mərkəzində Belarus Kino Günlərinin açılışı olub.
Belarusun Azərbaycandakı səfirliyinin nümayəndə...
“Çat vermiş divarda bitən çiçək,
Səni mən dərirəm o çatlaqlardan.
...
Əməkdar artist Rahib Əliyev vəfat edib.
Bu barədə APA-ya mərhumun oğlu Rəşad Əliyev məlumat verib.
Onun sözlərinə görə, Rahib Əliyevin cənazəsi sabah günorta saat 12-də Qurd qapısı qəbiristanlığında torpağa tapşırılacaq.
...